फाटल्या कांय दिसांनी गोंयांत रानांतल्या उज्याच्या घडणुकां संबंदी कसलोच जोखीम घेवची ना अशें राज्य रानमंत्री विश्वजीत राणे हांणी सांगलें. हे उजो नियंत्रीत करपा खातीर आनी तो उजो पेटचो न्हय हे खातीर सरकारान कितले उपाय करतात हाची सविस्तर म्हायती तांणी दिली.
मजगतीं, ह्या उज्याच्या घडणुकांनी रानवटी जनावरांक आनी वनस्पतींचें लुकसाण जावंक ना अशेंय तांणी स्पश्ट केलें.
हालींच काणकोण ते सत्तरी मेरेनच्या वाठारांतल्या उज्याच्या घडणुकांची हवाई तपासणी केल्या अशें रानमंत्री राणे हांणी सांगलें. उजो पालोवपा खातीर आनीक पंगड तैनात केल्यात. हातूंत थळाव्या लोकांचोय वांटो आसा. हाचे भायर केंद्र सरकारूय मजत करीत आसा.
नौदलाचें आनीक एक हेलिकॉप्टर कर्नाटकांतल्यान येतलें. फकत दोंगराच्या माथ्यार उजो कसो सुरू जाता तें म्हाका समजना. उजो सकयल आनी वयर वता. देखून हे संबंदी सविस्तर चवकशी करतले.
राणे हांणी सांगलें, फाटल्या कांय दिसांनी उज्याच्यो घडणुको घडल्यात. ह्या घडणुकां कडेन रान खातें लक्ष दिता. उज्याच्या सगळ्या घडणुकांची चवकशी करतात. 700 परस चड कर्मचारी काम करतात. काल रातीं मुख्यमंत्र्या वांगडाय बसका जाली.
