एरणाकुळमांत देशीय काव्योत्सवाचे निमितान बहुभाषिक कविसंम्मेळन

एरणाकुळम:
मलयाळम भाशेंत १९३६ ह्या वर्सा रचिली इडपळ्ळी राघवन पिळ्ळा हांगेले ‘मणिनादम’, चंगंपुष़ा कृष्ण पिळ्ळा हांगेले ‘रमणन’ आनी वैलोपिळ्ळी श्रीधरा मेनोन हांगेले ‘मांपष़म’ ह्या काव्यांक आज ९० वर्सां पूर्ती जाल्याय. हाजें निमितान एरणाकुळम जिल्लो लायब्ररी कौणसील हांचे वतीन इडपळ्ळी चगंपुष़ा पार्क हांगा सेप्टेंबर १७ सावन तीन दिसाचे देशीय काव्योत्सव घडयलें.

१७ तारिखेक सकाळी आयोजक समितीचे अध्यक्ष के.जयकुमार आय.ए.एस. हांचे यजमानपणार जाल्ले उक्तावण सुवाळ्यांत प्रशस्त तमीळ कवयत्री कुट्टी रेवती हांणे संम्मेळनाचे उक्तावण केल्ले.

दनपारा बहुभाषिक कविसंम्मेळन घडयलें. नामनेचे कन्नड कवयत्री डाॅ.पुष्पा एच.एल. हांणे कविसंम्मेळनाचे उक्तावण केल्ले.
आर.एस.भास्कर (कोंकणी), जेक्कप आयसक्क (इंग्लीश), अच्युतानंद मिश्रा (हिंदी), विजयराजा मल्लीका(मलयाळम), सुकुमारन चालीगद्दा (गोत्र भाशा),एम.आर.रेणुकुमार (मलयाळम), सलाहुद्दीन केच्चेरी (संस्कृत), मुकेश जैन (गुजराती), अजीत एम.पच्चनाडन (मलयाळम) ह्या कवीनीं कविता सादर केल्यो.