वामनाश्रम स्वामीजीची एकात्मत पदयात्रेची काशीत समाप्ती

काशी:

हळदीपूर शांताश्रम मठाधीपती श्री श्री वामनाश्रम स्वामीजीची
फाटलें वर्स विजयदशमी दिसा केरळच्या कालडी आदी शंकरा जल्म क्षेत्र हांगा सावन आरंभ जाली शंकरा एकात्मत पदयात्रा २०१ दीस आनी ३०३५ की.मी. चलून काल अक्षय तृतीय दिसा काशींत सुभसमाप्ती जाली.

अक्षय तृतीय दिस पदयात्रेचे आखेरचो दिस आसून दनपारा ३ वरार वाराणसी गोकुल नगरांतल्या तुळसी उद्यानांत सावन यात्रा सुरु जाली. ढूढीराज गणेश मंदीर, काशी विश्वनाथ मंदीर आनी अन्नपूर्णादेवीचे दर्शन घेवन पदयात्रा पूर्ण लक्ष पावली.केरळ कोची सावन, कर्नाटक, गोंय, महाराष्ट्र, मध्यप्रदेश, उत्तरप्रदेश, हैद्राबाद, तमीळनाडूं राज्यां मेळन हजारांनी भावीक पदयात्रेंत आनी उपरांत विश्वनाथ कोरिडोर सभाघरांत जालें गुरुदर्शन आनी गुरु प्रभाषणांत सहभागी जाल्ले. रात्री ८ वरार तुळसी उध्यानांत श्री चन्द्रमौलीश्वर देवता पूजा बी जाली.

आदी संकराचार्याच्या संदेशाचो प्रचार आनी वैश्य समुहाचे काशींतले नामावशेष जाल्ले मूंळ गुरुमठाचे पुनस्थापन हें वामनाश्रम स्वामीजीचे एकात्मत पदयात्रेचे उद्दिश्ट म्होण आसा.

समाप्ती कार्यावळीक अनुबंध जावन २४ तारिखेक दनपरा १२ वरार मणिकर्णीका घाटांत स्मामीजीचें गांगास्थान जातलें.
उपरांत बिंदुमाधव, काळभैरव, दण्डपाणी, विशालाक्षी मूर्तीचीं दर्शन जातलें. रात्री ८ वरार तुळसी उद्यानांत चंन्द्रमौळेश्वर पूज्या आसतली.

२५ तारिखेक सकाळी १० वरार मणीमंदीर मंण्डपांत श्री शंकर जयंतींक लागून पूज्या कार्यक्रम पुष्पार्चन आनी उपरांत आशीर्वचन भाषण, फळमंनत्राक्षत वितरण बी जातलें.