एरणाकुळम: आर.एस.भास्कर हांचे ‘चैत्रकविता’ कविता संग्रहाचे डाॅ.प्रतिमा अषर हांणी केल्ले इंग्लीश भाशांतर ‘चैत्रा पोयड्री’ ह्या पुस्तकाचे सिनेमा कलाकार ऊर्मीळा उण्णी हांचे हस्तुकी लोकार्पण जाल्ले.
विंगविगड लेखकांचे सुमार बारा मलयाळम आनी इंग्लिश पुस्तकांचे बी ह्या वेळार लोकार्पण जाल्ले.
एरणाकुळम एरणाकुळत्तप्पन ग्रौंड हांगा चालू २९ वो कोची अंताराष्ट्रीय पुस्तकोत्सवाचे परमेश्वरजी वेदीचेर घडयले पुस्तक लोकार्पण सुवाळ्यांत ब्रीज़ फौडेशनाचे संस्थापक डॉ.बी.लुईस हांचे यजमानपणार चलेयले सुवाळ्यांत साहित्यीक आनी रेडियो कलाकार के.पी.के.वेगरा, कण्णन पेरुमुडीकल, सिनेमा कलाकार स्नेहा उण्णीकृष्णन हांणीं आशीर्वादाचे भाषण केल्ले.
सुरवेक श्रीलक्ष्मी हांणे प्रार्थनागीत गायले. श्रीना श्रीनिवासन हांणे येवकार दिल्लो जाल्यार राजेष कर्णिका हांणे उपकार मागलो.
पुस्तक लोकार्पण सुवाळ्यांत सबार लोक हाजीर रावलें.
कोची अंताराष्ट्रीय पुस्तकोत्सवाचे ओक्टोबर ३० तारिखेक लोक सभेचे अध्यक्ष श्री.ओम बिरला हांणी दिवली पेटेवंन उक्तावण केल्ले. पुस्तकोत्सव नोव्हेंबर ८ तारिख मेरेन चालू आसतले.
विमला वी.पै विश्व कोंकणी अत्युत्तम कविता पुरस्कार जोडिल्लो पुस्तक आसून इंग्लीश अणकार बी दिनेश मणेकार, संजना पब्लिकेशन्स,गोंय हांचे वतीन प्रकाशित जाल्ला.
