कोची:
अखिल भारतीय कोंकणी परिशदेचे आनी केरळ कोंकणी अकादमीचे जोड पालवान मार्च 31 तारिखेक कोचींत मनोमिलन संम्मेळन घडयतलें. कोची कुवप्पाडम हांगाच्या योग्या पै नारायण पै ट्रस्टचा एसी सभाघरांत सकाळी 9 सावन सांजेचें 6.30 वरां मेरेन जावपी संम्मेळनांत चर्चा सत्रां, संस्कृतीक कार्यावळ्यो आनी कोंकणी चित्रपटाचे प्रदर्शन बी आसतलें.
सकाळी 9.30 वराचेर जावपी उक्तावण सुवाळ्यांत श्री निराकार एज्युकेशन सोसायटी गोंय हाचे अध्यक्ष प्रशांत नायक मुखेल सोयरे म्होण वांटो घेतलें. परिशदेचें कार्याध्यक्ष चेतन आचार्य यजमानपण चलेयतले.
निवृत न्यायाधीश एस.मनोहर किणी (अध्यक्ष, कोंकणी भाशा प्रचार सभा), डी.डी.नवीनकुमार (सामान्य सचीव,कोंकणी साहित्य अकादमी केरळ), राजेश शर्मा (पुरस्कार जैतिवंत टियेटर आनी सिनीमा कलाकार), एच.एम.पेर्नेल (अ.भा.कों.परिशद), सीए.जितीनदास ए.एच(उप संचालक,जीएसडी ऑडिट कमिषणरेट, अर्थीक मंत्रालय, भारत सरकार), रघुराम जे.पै (नगर सेवक,कोची कॅर्परेशन), ऑड.प्रिया प्रसांत (नगर सेवक,कोची कॅर्परेशन) हे मान्य सोयरे म्होण उपस्थीत रावतलें. विंगविगड क्षेत्रांत जैत जोडिल्या व्यक्तीयांचो ह्या वेळार भौमान जातलो.
कार्यावळीचे सुर्वेक कोंकणी प्रेमी मंडळाचे पंगड येवकार गीत गायतले. केरळ कोंकणी अकादमीचे सरकार्यदर्शी येवकार दितलें आनी मुखेल निमंत्रक सुधीश शेणै उपकार मागतलें.
11 वारां सावन 11.45 वारां मेरेन कोंकणी – काल आज आनी फाल्या ह्या विशयाचेर डाॅ.पी.आर.हरीन्द्र शर्मा हांचे अध्यक्षते खाला भासाभास जातली. एस.रामकृष्ण किणी, संध्या वी.प्रभु आनी के.एस.कृष्णकुमार हें वांटेकार जातलें.
11.45 सावन दनपारां 1.30 सावन मेरेन जावपी सांस्कृतिक कार्यावळींत टी.डी.एल.पी. शाळेंतल्या विद्यार्थ्यांचे वेगवेगळे कार्यक्रम, अंडिकडवु सुरेश पै हांचे हास्य गीत, कुटुंबी सेवा संगम शाखा 31 हांगेलें फुगडी नाच आनी लोक गीत गायन, वेळ्ळाळा शेटी समाजाचे वेगवेगळे कार्यक्रम, आनी कोंकणी प्रेमी मंडळाचे लोकसंगीत कार्यक्रम बी जातलें.
दनपारां जेवणा उपरांत 2.30 सावन 3.30 मेरेन घडोवपी कोंकणी लोकांची उदरगत – आव्हान आनी उपाय ह्या विशयावेल्या चर्चेंत ऑड.कृष्णकुमार जी., श्याम कुमार, संजय राजगोपाल, ओल्या बाबु, पी.ए.रामचंद्रन, पी.के.शशी, एम.एन.मुरळीधर स्वार, जी.एस.महेश शेटी, बी.एस.रमेश शेट हें वांटेकार जातलें. आर.एस.भास्कर आनी गोकुळदास प्रभु हें सत्रसंचालन करतलें.
3.30 सावन 4.30 मेरेन घडोवपी समारोप सुवाळ्यांत जस्टीस भौ.एन.नगरेश मुखेल सोयरे आसतलें. केरळ कोंकणी अकादमीचे अध्यक्ष पी.एन.कृष्णन हांगेल्या यजमानपणार जावपी संम्मेळनांत सुधा दिलीप (नगर सेविका, कोची कॅर्परेशन), अविनाश पी.कामत (अध्यक्ष, कोची तिरुमला देवस्थान), जी.एस.श्रीकुमार (मुख्य अधिकारी, श्री जनार्धन देवस्थान), नवीन ए.प्रभु (ट्रस्टी, वै.एन.पी.ट्रस्ट) हे मानेस्त उपस्थित आसतवलें. अकादमीचे उपाध्यक्ष सदानंद भट उपकार मागतलें.
सांजेंच्या 5 वरां सावन 6.30 मेरेन ‘अन्त्यारंभ’ ह्या कोंकणी चित्रपटाचे प्रदर्शन बी आसतलें अशीं जाणवरदारांनी कळेयलां.
