पणजीः
सादारणपणान मध्यम आकाराचे नाल्ल दर तुकड्याक 40 ते 50 रुपया दरान विकपाक लागल्यात. सद्या वेगवेगळ्या धर्मीक कार्यावळींखातीर आनी लग्नांक नाल्लांचो व्हड प्रमाणांत सेवन करतात. ते भायर वेगवेगळ्या कार्यावळीं खातीर जेवणाची ऑर्डर घेवपी हॉटेलकारांक आनी वेवसायिकांक नाल्लाची गरज आसता.
पूण वाजवी दरांत बऱ्या दर्जाचे नाल्ल मेळोवपा खातीरय तांकां खूब कश्ट करचे पडटात. नाल्लाची मागणी आसा, पूण मागणीच्या तुळेंत उत्पादन उणें आशिल्ल्यान ताचो व्हड उणाव आसा.
कुडीक हायड्रेट करपा खातीर नाल्लाचें उदक व्हड प्रमाणांत वापरतात, पूण राज्यांत सध्या नाल्लाच्या उणावाक लागून ताचें मोल खूब वाडलां, आनी सरासरी मध्यमवर्गीय लोकांक नाल्लाचें मोल आयकून घाम येता. नाल्लचें मोल 50 ते 60 रुपया आसता, आनी फाटल्या दोन-तीन म्हयन्यां सावन राज्यांत नाल्लचो व्हड उणाव आसा.
नाल्लाची पिकावळ उणी आशिल्ल्यान अंदूं गांवांतल्या नाल्लाच्या तेलाचोय उणाव आसा. दर दिसा घरगुती वापरा खातीर नाल्ल मेळप कठीण जाल्ल्यान सुकयल्ल्या नाल्लांतल्यान नाल्लाचें तेल काडपाक नाल्ल ना. कांय प्रमाणांत तेल काडपी नागरिकांक लेगीत फाटल्या वर्साच्या तुळेंत अंदूं कामगार, यत्न आनी हेर खर्चाक लागून चड दरान विकचें पडटा.
