पणजी:
नामनेचे कवी, ललितकार उदय म्हांबरो हांच्या ‘काळीज उसवलां’ पुस्तकाचेर बरयिल्ल्या आस्वादनात्मक लेख आनी पत्रांचे संपादीत पुस्तक शेनवारा 19 तारखेक लोकार्पण जातलें. ‘काळीज उसवलां – म्हजे नदरेंतल्यानं’ हैं पुस्तक काशिनाथ नायक हांणी संपादीत केलां. हो सुवाळो शेनवार 19वेर सांजे चार वरांचेर आली, केरी हांगासरल्या ट्रॉपिकल स्पायस प्लांटेशनांत जातलो.
संजना पब्लिकेशन्स आनी मित्रमंडळान आयोजीत केल्ले हे कार्यावळीक सुवाळ्याचे अध्यक्ष म्हूण साहित्य अकादेमी पुरस्कार फावो जाल्ले लेखक दिलीप बोरकार जाल्यार रवीन्द्र केळेकार ज्ञानमंदिराचे मुख्याध्यापक अनंत अग्नी मुखेल सोयरे म्हूण हाजीर आसतले. तशेंच उर्जा फावंडेशन आनी इकोट्रेक संस्थेचे संस्थापक दुर्गादास परब मानाचे सोयरे म्हूण हजर आसतले. कार्यावळीक रसीक, वाचकांनी मुजरत येवचें अशें संजना पब्लिकेशन्साचे दिनेश मणेरकार आनी मित्रमंडळाचे निमंत्रक रोहिदास (अण्णा) सतरकार हांणी मागलां.
