पणजी :
‘क्वेश्चन मार्क’ हे कोंकणी नाट्यकृतीच्या मराठी अनुवादा खातीर अनुवादक आनी ‘सहित’ प्रकाशक किशोर अर्जुन हांकां अखिल भारतीय मराठी प्रकाशक संघाचो ‘लेखक प्रकाशक पुरस्कार’ शुक्रारा जाहीर जाला. संघाच्या पुणेस्थीत मुख्यालयांत ह्या पुरस्काराची घोशणा केली. ह्या वर्सा देशभरांतल्यान सुमार 630 पुस्तकां प्रकाशक संघाक विवीध विभागांतल्या पुरस्कारां खातीर आयिल्लीं.
‘क्वेश्चन मार्क’ हे कोंकणी नाट्यकृतीच्या मराठी अनुवादा खातीर अनुवादक आनी ‘सहित’ प्रकाशक किशोर अर्जुन हांकां अखिल भारतीय मराठी प्रकाशक संघाचो ‘लेखक प्रकाशक पुरस्कार’ शुक्रारा जाहीर जाला. संघाच्या पुणेस्थीत मुख्यालयांत ह्या पुरस्काराची घोशणा केली. ह्या वर्सा देशभरांतल्यान सुमार 630 पुस्तकां प्रकाशक संघाक विवीध विभागांतल्या पुरस्कारां खातीर आयिल्लीं.
लेखक, पत्रकार, अनुवादक, प्रकाशक, पटकथाकार आनी दिग्दर्शक आशिल्ल्या किशोर अर्जुन हांकां ‘क्वेश्चन मार्क’ ह्या गौतम गावडे हांणी मूळ कोंकणींत बरयिल्ल्या प्रायोगीक नाटकाच्या मराठी अनुवादा खातीर आनी ह्या अनुवादाच्या प्रकाशना खातीर पुरस्कार जाहीर जाला. ह्या नाटकाच्या प्रयोगाक गोंयांत कोंकणी आनी मराठी राज्य नाट्यसींनी उपाट प्रतिसाद लाबला. ह्या नाटकाच्या प्रयोगान विवीध पुरस्कार लेगीत मेळयल्यात. तातूंतच आतां ह्या नाटकाच्या पुस्तकान हो पुरस्कार मेळयिल्ले खातीर लेखक गौतम गावडे आनी अनुवादक किशोर अर्जुन ह्या दोगांयचेंय कवतूक जाता.
कुसुमाग्रज प्रतिष्ठान, नाशिकचे विश्वस्त विनायक रानडे, नामनेची चित्रकार वसुधा कुलकर्णी आनी नामनेचे मुद्रक नंदप्रसाद बर्वे हांच्या परिक्षक मंडळान ह्या आनी विवीध विभागांतल्या हेर पुरस्कारांची निवड केली. प्रकाशक संघाचे वतीन रोखडेंच पुण्यांत आयोजीत जातले.
अखिल भारतीय मराठी प्रकाशक संघ ही देशभरांतल्या मराठी प्रकाशकांची शिखर संस्था आसा. ताका लागून अशे संस्थेचे वतीन जेन्ना गोंयांतल्या आमच्या प्रायोगीक नाटकांच्या अनुवादीत पुस्तकाक पुरस्कार मेळटा तेन्ना आमकां सगल्यां खातीर ही विशेश गजाल थारता. कोंकणींत बरें साहित्य आसा आनी सहित’च्या माध्यमांतल्यान आमी तांचो विवीध भारतीय भाशांनी अनुवाद प्रकाशीत करून तें देशांत खूब पयस पावोवपाचो प्रामाणीक यत्न करतात आनी ह्या आमच्या यनांक हो मानाचो पुरस्कार मेळिल्ल्यान लेखक, अनुवादक आनी प्रकाशक म्हणून म्हजी उमेद नक्कीच वाडल्या.– किशोर अर्जुन
– लेखक – प्रकाशक, सहित प्रकाशन
