- राजेश बाणवलीकार
उक्त्या बाजारांत मेळपी ब्रँडेड वखदां परस जनौषधी वखदांचो दर 50%-80% उणो अशें म्हण्टात. उत्पादनाची गुणवत्ता सुनिश्चीत करपा खातीर फकत संवसारीक भलायकी संघटना – गुड मॅन्युफॅक्चरिंग प्रॅक्टीस, प्रमाणीत उत्पादकां कडल्यान हीं वखदां खरेदी करतात अशें म्हण्टात.बरे आसा.
जन औषधी मेडिकल स्टोराचो हेतू म्हळ्यार सगळ्यांक, खास करून गरीब आनी वंचितांक, ” जन औषधी मेडिकल स्टोर” नांवाच्या खाशेल्या केंद्रां वरवीं दर्जेदार वखदां परवडपी दरांत दिवप, जाका लागून भलायकी जतनाय घेवपाचेर खिशातल्यान जावपी खर्च उणो जातलो. बोधवाक्य उत्कृश्ट आनी सरकारक येवकार! पूण दुकानां खंय आसात? चडशा लोकांनी त्या वैजकी स्टोरांचें नांव लेगीत आयकूं ना.!!
प्रधानमंत्री भारतीय जनौषधी केंद्र येवजण सुरू जाली. हे येवजणे खाला प्रधानमंत्री भारतीय जनौषधी केंद्रांची वळख करून शस्त्रक्रिया वखदां विकपाक सुरवात केली. पूण हीं दुकानां पयसुल्ल्या सुवातेर आसात. खंय मेळटा? पणजे एक आसा.
सरकारान दरेका गांवांत जन औषाधी केंद्र सुरू करचे, जाका लागून लोकांक जन औषधी केंद्रांचो लाव मेळटलो. हे येवजणे खाला दरेका गांवांतल्या उप-आरोग्य केंद्रांनी स्टोर सुरू करपाक जाय आशिल्लो. सरकारान धोरणा प्रमाण कमी दरांत वखदां दिवपाची येवजण करची आनी येवजण म्हणून न्हय तर रोजगार निर्माण करपाची येवजण करची.
