हिंदी सिनेमाचो नामनेचो अभिनेतो, निर्मातो आनी दिग्दर्शक सतीश कौशिक हांकां मरण आयलां. पिरायेच्या 66 व्या वर्सा ताणें निमाणो स्वास घेतलो. सतीश कौशिकाच्या मरणान मनरिजवण मळार शोकांत पडला.
प्रधानमंत्री नरेंद्र मोदी कडल्यान बॉलिवूडांतल्या जायत्या सेलिब्रिटींनी सोशल मिडियाचेर दुख्ख उक्तायलां. दिल्लींत भोंवतना सतीशाक काळजाचो आताक आयलो हें स्पश्ट जालें, आतां ताची कूड मुंबय हाडटले अशी चर्चा सुरू आसा. सतीशाच्या कुटुंबा कडल्यान निमाणे संस्कार मुंबयंत जातले अशी म्हायती दिल्या.
सतीश कौशिकाच्या घराण्यान हे संबंदी एक पत्रक उजवाडाक हाडून म्हायती दिल्या. ह्या पेपरांत सांगिल्ले प्रमाण सतीशाचे निमाणे संस्कार आयज सांजवेळा 5 वरांचेर जातले. तो तांकां आपल्या फॅन्सांक पळोवपा खातीर व्हर्सोवा हांगाच्या आपल्या निवासस्थानाचेर हाडटलो. सांजवेळा 5 वरांचेर व्हर्सोवा हांगाच्या हिंदू मसणभुंयेंत ताचो लास जातलो अशी म्हायती ताच्या कुटुंबान दिल्या.
