गोंयांत फाटल्या कांय दिसांनी रान आनी दोंगरांतल्या उज्याचें सत्र जालां. उत्तर गोंय मेरेन दक्षिणेकडल्यान अभयारण्यांनीय रानांनी उजो लागला, आनी अजून उजो लागपाची खबर आयल्या.
ह्या उज्याच्या घडणुकांक लागून राज्यांत उमेद निर्माण जाल्या जाल्यार आतां केंद्र सरकाराच्या पांवड्यारय ह्या उज्याची दखल घेतल्या.
गोंयांत हालींच जाल्ल्या उज्याच्या घडणुकां विशीं रान मंत्रालयान सविस्तर अहवाल प्रधानमंत्री नरेंद्र मोदी आनी संरक्षण मंत्री राजनाथ सिंग हांच्या कार्यालयांत धाडला अशी म्हायती राज्य रानमंत्री विश्वजीत राणे हांणी दिली.
मजगतीं सध्या आमकां दोन हेलिकॉप्टर दिल्यात. तातूंतल्यान रानांतलो उजो पालोवपाचो यत्न रान खातें करता. तशेंच तांचो वापर प्राधान्यान सुरू आसा अशें विश्वजीत राणे हांणी सांगलें.
