दिग्गज अभिनेतो समीर खक्कर हांकां आयज 15 मार्चाक निधन जालें. ताची पिराय 71 वर्सां आशिल्ली. समीर खक्करान आपल्या कारकिर्दींत जायत्या चित्रपटांनी आनी सिरियलांनी अभिनय केला. पूण खास करून ‘नुक्काड’ ह्या टीव्ही मालिकेंतल्या खोपडी ह्या भुमिके खातीर ताची नामना आशिल्ली. समीर खक्कर सुमार 38 वर्सां अभिनय मळार वावुरतालो.
समीरान दूरदर्शनाचेर कांय लोकप्रिय कार्यावळींनी काम केल्लें. ‘नुक्काड’, ‘अनोरंजन’, ‘सर्कस’, ‘नया नुक्काड’, ‘श्रीमन स्मती’ आनी ‘अदलत’ अशीं ताचीं कांय नामनेचीं माळे. सुरभि चंदना आनी नमित खन्ना हांणी अभिनय केल्ल्या ‘संजीवी’ फिल्मांत निमाणे ताका दिसलो.
मदीं समीरान ह्या उद्देगांतल्यान विसव घेतलो आनी अमेरिकेंत स्थायीक जालो. उपरांत ते परत येवन कामाक लागले. समीरान सलमान खानाच्या ‘जय हो’ फिल्मांत अभिनय केल्लो. हाचेभायर तो गुजराती नाटकांनीय अभिनय करतालो.
