फाटल्या 5 वर्सा मराठी अकादमी तशेंच हेर संस्थांच्या तुळेंत गोंय कोेंकणी अकादेमीक सगळ्यांत चड अनुदान मेळ्ळा, अशें लेखी जापेत स्पश्ट जाता. फाटल्या 5 वर्सांत कोंकणी अकादेमीक 6 कोटी परस चड (669 लाख) अनुदान मेळ्ळां. आमदार क्रुज सिल्वा हांच्या प्रस्नाक मुख्यमंत्री डॉ. प्रमोद सावंत हांणी ही लेखी जाप दिल्या.
रोमी कोंकणी शिक्षण संस्थांक अनुदान दिवपाची तजवीज कायद्यांत ना. हातूंतल्यान राजभास कायद्याचें उल्लंघन जायना, अशेंय जापेंत म्हणला. वाठारात रावपी लोकांची भास, लिपी आनी संस्कृतीच्या जतनायेची घटनेच्या परिशिश्ट 29(1) मदीं आसा. घटनेच्या 345 परिशिश्टा खाला सरकारान गोंय राजभास कायदो 1987 संमत केला. ह्या कायद्यांत देवनागरी लिपींतल्या कोंकणीक राजभाशेचो दर्जो दिला.
घटनेचे 29 (1) परिशिश्ट आनी 345 परिशिश्टाचो हेत वेगळो आसा. हाका लागून राजभास कायद्याक लागून घटनेच्या 29 (1) परिशिश्टाचे उल्लंघन जायना, अशें लेखी जापेत म्हणला.
