Valentine day special : दिसता म्हाका गोपांत तुज्या

दिसता म्हाका गोपांत तुज्या
सर्गांत हांव आसा
नशीब म्हजें व्हड, तुज्या
मोगांत हांव आसा

पैस आमी जालीं जाल्यार
फकत दोळे धापून घे
दिसतलें रे हांवच, तुज्या
मनांत हांव आसा

रागार तुजेर जाता केन्नाय
तापतां लेगीत दोळ्यांनी
मोगाचोच लीपील्लो त्या
रागांत भाव आसा

कळ्ळें म्हाका कित्या सदांच
हांसतें तुजे तोंड हें
पलतडी रे सुखाचो, त्या
हाश्यांत गांव आसा

पाठ लेगीत केलां हांवे
नांव तुजें घेवन घेवन
काल म्हाका कळ्ळें, तुज्या
नांवांत हांव आसा