पणजे उपरांत आयज मडगाव शारांत कार्निवालाची भव्य चित्रराथ मिरवणूक जाली. वेगवेगळ्या संघटनांच्यो वेगवेगळ्यो संकल्पना घेवन वचपी रथ आनी वेगवेगळे वेशभूशेन मिरवणुकेक सामील जावपी लोक मिरवणुकेक वेगळोच देखावो दिताले.
पर्यटन मंत्री रोहन ख्वान्तेन ध्वज दाखोवन मिरवणुकेक सुरवात केली. मडगांवचो आमदार दिगंबर कामत, कुडटारीचो आमदार अलेक्स रेजिनाल्ड लॉरेन्स, नवेलीचो आमदार उल्हास तुयेकर, नुवेचो आमदार अलेक्स सिकेरा, हाल्दोनाचो आमदार कार्लोस फेरेरा आनी आदले आमदार चर्चिल आलेमाव आनी दामू नायक हाजीर आशिल्ले.
हे खेपे ही मिरवणूक रवींद्रांतल्यान वचचे बदला होली स्पिरिट इगर्जेंतल्यान नगरपालिकेंत व्हेली. ह्या मार्गाचेर दोनूय वटांनी लोकांची गर्दी जाली.
