शिवरात्री महोत्सवाक लागून १८.०२.२०२३ राती ९.३० वारांचेर कोच्ची उद्यानेश्वर शिवालायाचे प्रांगणांत पांडुरंग कलाकेंद्राचे बॉनारा खाला कोंकणी इतिहासीक नाटक “अतिजीवन” खेळेयलें.
![](https://goenkaar.com/wp-content/uploads/2023/02/img-20230225-wa00262468760396713271205-611x1024.jpg)
सुमार ४५० वर्सां आदीं गोंयांत रावपी कोंकणी समाजाचे जीवित आसा ह्या नाटकाचो कथानक. पोर्तुगेजांनी धर्मांतराखातीर गोंयच्या लोकांचेर हाडलेले दंडात्मक नेम, पीडा, कष्ट आनी गोंय सोडून धांवका जल्लेलीं कारणां आदी गंभीर विशयांक हे नाटका नीमित जनांमधें हाडोवंचाक प्रयास केलो आसा.
![](https://goenkaar.com/wp-content/uploads/2023/02/img-20230225-wa00235267889014368849462-1024x683.jpg)
दर्शकांत साकून बरो प्रतिसाद आनी कदर मेळ्ळेले हे नाटकाची रचना एवं पटकथा एम. अरुण कुमार कम्मत हांणी केला, दिग्दर्शन केल्या एल.कृष्ण भट, आनी हांणीच संगीत लेगित दिल्या. हांतु (स्व.) सुशीला टी भट हींणे संग्रह केलेलें लोकगीत आनी बालकृष्ण मल्ल्यान बरेयल्लो भावगीत अशी २ गींत आसा. गायत्री भट, प्रसेन कुमार मल्या हाणीं गायन केलें.
![](https://goenkaar.com/wp-content/uploads/2023/02/img-20230225-wa00274966738156866587113-1024x683.jpg)
एल. कृष्ण भट, एम. अरुण कुमार कम्मत, गोविंद पै, श्रीकर प्रभु, सुप्रभा कृष्ण भट, वेंकटरमण भट, शिव राय, राधाकृष्ण भट, गायत्री भट, धनेश मल्या, दयानंद भट आदि कलाकारांनी कथापात्रांक बरे तरेन पात्रांक जीव दिलो.
![](https://goenkaar.com/wp-content/uploads/2023/02/img-20230225-wa00222723455324142787530-1024x633.jpg)