कोंकण रेल्वे मार्गार पालसणां कोसळिल्ल्यान विस्कळिल्ली येरादारी आजूनय सुरळीत जावंक ना. ताका लागून मंगळारा आनी चार गाडयो रद्द केल्यो, जाल्यार तीन गाडयो उसरां धांवतात. स गाडयांच्या निर्धारीत वेळार बदल केल्लो.
कोंकण रेल्वे मार्गार रत्नागिरी विभागांतल्या दिवाणखावटी – विन्हेरे विभागा मजगतीं रेल्वे रुळावेली माती काडले उपरांत सोमारा साडेचार वरांचेर ट्रॅक फीट सर्टिफिकेट मेळ्ळें. रेल्वे मार्गार पालसणां कोसळिल्ल्यान आतां मेरेन २१ गाडयो रद्द केल्यो. १५ गाडयांचे मार्ग बदल्ले. ७ गाडयो अंशतः रद्द केल्यो जाल्यार ९ गाडयांचो वेळ परत निर्धारीत केला. मंगळारा आनीक चार गाडयो रद्द केल्यात.
गाडी क्र. २०११२ मडगांव जं. मुंबय कोकण कन्या एक्सप्रेसीचो १६ तारखेचो प्रवास रद्द केला. गाडी नं. ११००४ सावंतवाडी रोड दादर तुतारी एक्स्प्रेसीचो प्रवास रद्द केला. गाडी नं. ५०१०४ रत्नागिरी दिवा पॅसेंजर प्रवास रद्द केलो. गाडी १२०५१ मुंबय मडगांव जं. जनशताब्दी एक्सप्रेसीचो प्रवास रद्द केला.
गाडयांच्या वेळांत बदल
गाडी क्रमांक १६३११ श्री गंगानगर – कोचुवेली एक्स्प्रेस गंगानगरच्यान ८ वरांचेर सोडटले. गाडी नं. २२११९ मुंबय सीएसएमटी मडगांव जं. तेजस एक्स्प्रेसीचो प्रवास १६ तारखेर ९ वरांचेर सुरू जातलो. गाडी नं. १९५७७ तिरुनेलवेली जामनगर एक्स्प्रेस १६ तारखेर ७.३५ तिरुनेलवेली हांगच्यान सुट्टली. गाडी नं. १८०४७ शालीमार – वास्को दा गामा एक्स्प्रेस १६ तारखेर ५.३० वरांचेर सुरू जातली. गाडी नं. १२४३१ तिरुवनंतपुरम सेंट्रल ह निजामुद्दीन एक्स्प्रेसचो प्रवास १७ तारखेर ४ वरांचेर तिरुअनंतपुरम सेंट्रलच्यान सुरू जातलो. गाडी नं. १२२८३ एर्नाकुलम जंक्शन. एच. निजामुद्दीन एक्स्प्रेसचो प्रवास १७ तारखेर १.२५ वरांचेर सुरू जातलो.
उसरां धांवपी गाडयो
गाडी नं. १२६१७ एर्नाकुलम – एच. निजामुद्दीन एक्स्प्रेसीचो १५ तारखेर प्रवास २४० मिनटां उसरां सुरू जातलो. गाडी नं. १९५७७ तिरुनेलवेली जामनगर एक्सप्रेसीचो १५ तारखेर ७४५ प्रवास मिनटां उसरां जातलो. गाडी नं. २२११४ कोचुवेली लोकमान्य टिळक (टी) एक्सप्रेसीचो १५ तारखेचो प्रवास ८४५ मिनटां उसरां सुरू जातलो.
