कोंकणी कवि संगम “विश्वावसु – पौष” कोच्चींत घडेयलें

कोंकणी केंद्र – गोश्रीपुर आनी कोंकणी भाषा प्रचार सभा एकमेळून ८५वें म्हयन्याळें कोंकणी कवि संगम “विश्वावसु – पौष” २०२५ जनवरी १० तारिखेक शेनवार देनपारां ३.०० वरांचेर कोच्चीच्या कोंकणी भवनांत घडेयलें.

कोंकणी केन्द्र – गोश्रीपुर संस्थेचो वरिष्ठ वांगडी एस. चित्तरंजन नायक हांणी सगळ्या कवी गणांक येवकार दिलो. कोंकणी केन्द्राचो अध्यक्ष जी. मोहन शेणै हांच्या अध्यक्षतेखाला चाललें कवी संमेलनांत के. नारायण नायक, गोविन्द एस. नायक, गोश्रीपुरं हरीकुमार, श्रीकला सुखादिया, ऋषिका वी. प्रभु, एन. बालकृष्ण मल्ल्या, जी. मोहन शेणै ह्ये कवींनीं आपापल्यो कविता सादर केल्यो.