मराठी भाशेच्या वैभव दिसा निमतान पुण्यांतल्या बाळगंधर्व रंगमंदिर हांगा ‘इथे ओशाळला मृत्यू’ ह्या नामनेच्या नाटकाचो प्रयोग सुरू आशिल्लो. पयल्या अंकांत छत्रपती संभाजी महाराजाची भुमिका केल्ल्या अभिनेत्याची प्रेक्षकांनी तोखणाय केली.
नाटकाच्या मध्यंतरात गोंयचो संस्कृती मंत्री गोविंद गावडे हांकां भोवमान करपाची आशिल्ली. हे खातीर मानेस्त लोक माचींचेर आयले आनी संभाजी महाराजाचो भेस केल्लो अभिनेतो पुरस्कार घेवपाक मुखार आयलो. नाटकांत एका राज्याचो मंत्री भुमिका करता हें कळटकच प्रेक्षकांनी ताळयो मारल्यो.
नाटकाच्या मळार इतलो जाणकार आनी तातूंतय सक्रीय आशिल्ल्या एका खात्याचो मंत्री पळोवन पुणे मोगींक सुखद अजाप जालें. माचींचेर हाजीर आशिल्ल्या मानेस्तांनीय गोविंद गावडेंच्या भुमिकेची तोखणाय केली.
विश्व मराठी अकादेमीन आयोजीत केल्ल्या ह्या कार्यावळींत गोंयच्या श्री सिद्धिनंदन रंगमाचयेन हें नाटक सादर केलें. फकत पंदरा दिसांच्या रिहर्सलांत ताणें हें नाटक सादर केलें. पूण ताच्या आनी सगळ्या कलाकारांच्या संवाद आनी अभिनयाचेर प्रभावित जाल्ल्या फॅन्सांनी तांची कदर केली.सध्या गोविंद गावडे हाचे कडेन गोंयच्या राज्य मंत्रीमंडळांत कला आनी संस्कृताय, खेळ आनी ग्रामीण उदरगतीचें विभाग आसा. 2022 वर्साचे विधानसभा वेंचणुकेंत तांकां प्रियोळ मतदारसंघांतल्यान भाजपान वेंचून काडला.
