महाराष्ट्राचे विरोधी पक्ष फुडारी अजीत पवार हांणी सत्ताधारी शिंदे गटाचेर शिवसेना आनी भाजपा आड टिका केल्या. जायरातीं खातीर सरकार एक नशीब खर्च करता. ग्रामीण उदरगती खातीर निधी वांटून दिवंक ना. अर्थीक वर्स सोंपलां. हो निधी परत वचतलो अशी टिका अजीत पवारान केल्या. तशेंच फाटल्या चार म्हयन्यांत मुख्यमंत्र्याच्या वर्षा निवासस्थानी अन्नधान्याचें बिल 2 कोटी 38 लाख रुपया जालां. सरकार च्याक भांगराचो अर्क घालता काय? अजीत पवारानय असोच उलोवपासारको प्रस्न विचारला.
उदरगतीच्या वावरांत आशिल्ल्या राजकारणाक लागून उदरगतीचे प्रक्रियेचेर परिणाम जाला. अर्थसंकल्पांत परतून मंजूर केल्लीं कामां थांबयल्यात. हाका लागून उदरगतीचे काम थांबल्यात. एक म्हयनो आनी तीन दिसांनी अर्थीक वर्स सोंपतलें. जिल्लो वर्सुकी येवजणे खातीर कितले पयशे खर्च केल्यात हाची म्हायती मेळोवची. पयशे बिल्कुल खर्च जाले नात. निधीचें वांटप ना. थंय सरकार लक्ष दिवंक अपेस आयलां असो आरोप अजीत पवारान केला.
“उदरगत कामां बदला हेर गजालींचेर उपाटपण दिसता. मुख्यमंत्र्याच्या वर्षा बंगल्यांतलें अन्न बिल 2 कोटी 38 लाख रुपया जालां. हांव उपमुख्यमंत्री आशिल्लो. आमचे कांय सहकारी मुख्यमंत्रीय आशिल्ले. चार म्हयन्यांत अन्नधान्याचें बिल 2 कोटी 38 लाख रुपया जालें. इतलें कशें? च्याक भांगराचें उदक घाल्लें काय? सरकार च्याक भांगराचो अर्क घालता काय?” पवारान हो प्रस्न विचारलो.
