विश्व कोंकणी दीसा ०९, एप्रिल २०२४ मंगळारा सांजे ४.०० वरांचेर कोकणी केन्द्र – गोश्रीपुर आयोजित ६४वें प्रतिमास कोंकणी कवि संगम – “क्रोधी चैत्र” एन. सदानंद कम्मत हांचे घराकडेन (”द्वारका”, पळ्ळं मार्ग, कूवप्पाडं, कोच्ची -२) घडयलें.
प्रार्थनेचे उपरांत कोंकणी केंद्र – गोश्रीपुर संस्थे वतीन एन सदानन्द कम्मत हांणी सागळ्यांक येवकार दिलो. संगमांत आयिल्ल्या कवींक विश्वकोंकणी दिसा विशीं आनी शेणै गोंय बाबान दिलेलें साहित्यीक योगदाना विशीं प्रख्यात कोंकणी लेखक श्री. आर.एस. भास्करान दोन उतरां उलयलीं.
त्या उपरांत के. नारायण नायक, जी. मोहन रावु, संध्या वी प्रभु, अनिता डी किणी, सरस्वती एस. प्रभु, जया बालकृष्ण कामत, धन्या जी मल्या, एन सदानन्द कम्मत, गोश्रीपुरं हरिकुमार, एन. बालकृष्ण मल्ल्या, उमेश टी. भट, आर.एस.भास्कर, के.एन.आर. भट हांणी कविता सादर केली.
“जन्मभूमी” दिवसाळ्याचे कोच्चीचो लेखक एस कृष्ण कुमार आनीक नामनेचो कोंकणी नाटककार कृष्णानन्द एम संगमांत प्रस्तुत आशिल्ले. प्रार्थनेचे उपरांत बसका सोंपली.
