एरणाकुळम: कोंकणी साहित्य अकादमीचें वतीन एरणाकुळमांत ‘म्हजा आज्जाक एक हस्ती आशिल्ली’ ह्या कादंबरीचेर चर्चा जाली आनी कविता वाचन कार्यक्रम बी घडयलें.
एरणाकुळम प्रबोधा भवन सभाघरांत कोंकणी साहित्य अकादमी (केरळ)चे वतीन आयोजीत केल्ले कार्यावळींत अकादमीचे ज्येष्ठ वांगडी एन.के.प्रभाकर नायक हांणी यजमानपण चलयलें. साहित्य अकादमी पुरस्कृत साहित्यीक ए.आर.शरतचंद्र शेणै हांणे कार्यावळीचे उक्तावण केल्ले. साहित्य अकादमी पुरस्कृत लेखक आर.एस.भास्कर हांणी आपणान मुहम्मद बषीर हांगेली मलयाळम भाशेंतल्यान कोंकणींत भशांतरीत केल्ले “म्हजा आज्जाक एक हस्ती आशिल्ली” ह्या कादंबरीचें अवतरण केल्लें. प्रो.जी.मोहनराव, वी.माधव पै, पी.एन.कृष्णन, के.आर.जयप्रसाद हांणीं चर्चेंत वांटो घेवन उलेयलें.
उपरांत जाल्ले कविता वाचन कार्यक्रमांत फ्रो.के.एन.आर.भट, आर.रामानंद प्रभु, अण्डीकडवु सुरेश पै, बाबु आलुंगल, विजयकुमार पै, पी.एस.माया हांणीं कविता सादर कोल्ली.
कोंकणी कला केन्द्र एरणाकुळम संस्थेचे स्थापक आर.विजयकुमार कम्मत हांणे शाल पांगरून मानेस्ताचो आदर केल्लो. अकादमीचे मेंबर सचीव डी डी.डी.नवीनकुमार हांणें येवकाराची उतरां उलेयली आनी मानेस्ताची ओळोख दिल्ली जाल्यार युनायडेट इनड्या इनसुरन्स कंपनीचे माजी रीजनल मानेजर वी.आर.रामचंद्रन हांणी उपकार मागलो.
