अण्डीकडवु:
केरळ सरकार संस्कृतीक खात्या खाला स्थापीत कोंकणी साहित्य अकादमी केरळचे वतीन कोची लागसार अण्डीकडवु पंचायतींत कोंकणी साक्षरताय शिबीर घडयलें.
मंगळा ग्रूप आफ कंपनीस हाचें मानेजींग डयरक्टर एम.आर.प्रेमचन्द्र भट हांणी कार्यावळीचे उक्तावण केल्ले.
अण्डीकडवु आनंतपुरम तिरुमला देवस्थान सभाघरांत देवस्थानाचे अध्यक्ष प्रवीण प्रभु डी. हांगेल्या यजमानपणार जालें उक्तावण सुवाळ्यांत कोंकणी साहित्य अकादमी (केरळ)चे वांगडी सचीव नवीनकुमार डी.डी. हांणें मुख्य भाषण केल्ले. केरळ भर कोंकणी साक्षरताय शिबीर घडयतले अशी नवीनकुमार हांणी आपल्या उलोवपांत साथगलें.
ह्या वेळार कोंकणी कलाकेंन्द्र स्थापक आर.विजयकुमार हांगेलें हस्तुकी मानेस्तांचे शाल पांगरून आदर जालें.
टी.जे.सुशीला राव हांणे आशीर्वाजनाचें भाषण केल्ले.
कोंकणी कवी अण्डीकडवु सुरेश पै सांणे येवकार दिल्लो जाल्यार अकादमीचे वांगडी वी.सतीश भट हांणे उपकाराची उतरां उलेयली.
कोंकणी साक्षरता शिबिरांत साबार लोकांनी वांटो घेतलो.
