तिम्मूनु पव्लि चेल्ली
– रामानंद प्रभू
सन्त सन्त पवसाचि कूप बरसेता
होडु पाव्सु एंच्चा वत्ताशी दिसता
जन्नाले द्वारान्तु एक् कुमारी दिकता
म्होवा पावसा सुरुवात हें मन्नान्तु जत्ता
फुतफुतेंचे ओंट तंम्बीडे दस्सुणे फूल
मोगरा कळ्या दॅन्त गोरे धवे ते अस्स
पुराय रात नीद ना म्हाजे दोळ्यांक
ओल्लि ओल्लि याद दीव्नु,सरल्लि आजि रात
तंबीडि चोळि गगरो कुंकुमेचो तीळो
कथक नृत्य करता मधुवन्ति रागु म्हणता
इत्यागो आजि म्हाजो उडगासु तूवे केल्ला ?
सोडूना हॅॅव तुक्का गौटेरि माळा घालता
मोगाचि वाथी तूवे काळीजातु लयिली
जीवनाचि पयवाट् उझवडान भरलि
तूॅचि मझा जीवन आत्मसुखा कारण
एकमेळि अमाचि दिक्कूनु अजाप जत्ता जन्
मोगा म्हज्या… ( गीत मोगाचे )
– अविनाश कुंकळकार
मोगा म्हज्या म्हजे वटेन
एक नदर तुजी वळय गो …।।
हाका ताका पळयता तूं
म्हाकाय मात्से पळय गो
मोटे मोटे दोळें तुजें
मोगरेचे कळें गो…।।
मोगान तुज्या….
मोगान तुज्या काळीज तोडून
पिशें जाल्यात तोडें गो
मोगा म्हज्या म्हजे वटेन
एक नदर तुजी वळय गो…१
सोबीत सुंदर सपन कळें
मनांत तुज्या फुलय गो…।।
म्हजें हे मन भुल्ला तुका
तुज्याय मनाक भुलयगो
नाजूक कवळे काळीज तुजें
म्हज्या काळजाक जुळोय गो।।
मोगा म्हज्या…..
मोगा म्हज्या मोग हो म्हजो
तुज्या काळजांत खेळय गो
मोगा म्हज्या म्हजे वटेन
एक नदर तुजी वळय गो….२
आतां तरी मोगाची भेट
पोशांत म्हज्या वडय गो ।।
म्हज्या मोगाचे वडे तुज्या
काळजा दर्यांत बुडोय गो
तुज्या म्हज्या मोगा गुपीत
आवय बापायक कळय गो।।
मोगा म्हज्या…..
मोगा म्हज्या म्हजे वटेन
एक नदर तुजी वळय गो
हाका ताका पळयता तूं
म्हाकाय मात्से पळय गो… ३
व्हॅलेनटायन
– पुष्पा नायक
नाका रे जावंक
व्हॅलेनटायन
तूं म्हजे खातीर
हांवूच जायन
राधा तुजे खातीर
राधेक कळ्ळोना मोग
कृष्णा वयलो
कृष्णाक म्हणून खंय कळ्ळो
मोग राधे वयलो
मोग मात अमर जालो
नाका रे जावंक
व्हॅलेनटायन
तूं म्हजे खातीर
हांवूच जायन
मिरा तुजे खातीर
मिरेन संत आसुनूय
मोग केलो कृष्णाचेर
कृष्णान खंय केला मोग
पिशे मिरेचेर
तरीय मोग अमर जालो
ते अस्तुरेक म्हणून
खंय खबर आसलें
प्रेमसूख व्हॅलेनटायनचें
चिटयेतलें गुपीत जालें
प्रतीक मरणा उपरांतचें!
नाका म्हाका जावंक पिशें
व्हॅलेनटायनचें!
