गोवा कोंकणी अकादेमी ‘अनन्य’ ही स म्हयन्याळी साहित्य पत्रिका उजवाडायता. कथा, कविता, निबंध, मुलाखत, संशोधन अश्या साबार साहित्य प्रकारांचो हे पत्रिकेंत आसपाव आसतलो. संशोधन साहित्याक प्राधान्य दितले. अंकाखातीर साहित्य वेंचपाचो अधिकार संपादक मंडळा कडेन आसतलो.
इत्सूक लेखकांनी आपले साहित्य gkaananya@gmail.com हे ईमेलीचेर वा गोवा कोंकणी अकादेमीच्या (5 वो माळी, गोवा संचार भवन, बी. एस. एन. एल. बिल्डींग, पाटो प्लाझा, पणजी) कार्यालयांत 5 ऑगस्ट मेरेन धाडचें, अशें आवाहन गोवा कोंकणी अकादेमीचे अध्यक्ष वसंत भगवंत सावंत हाणीं केलां. ‘अनन्य’ अकांत बरोवपी सगळ्या लेखकांनी 100 उतरां भितर आपली वळख साहित्य धाडटना दिवची पडटली.
‘अनन्य’ पत्रिकेंत संशोधन प्रपत्रां धाडप्यां खातीर खासा नेमावळ तयार केल्या. लेखकांनी नेमावळींत दिल्ले प्रमाण आपलें प्रपत्र धाडचें पडटलें. हेर म्हायती खातीर अकादेमीच्या 7775891857 ह्या नंबराचेर संपर्क करचो, अशें सावंत हांणी कळीत केलां.
संशोधनात्मक लेखन धाडप्याक मार्गदर्शक तत्वां
- संशोधनात्मक लेखन हें स्वता अभ्यास करून रचिल्लें आसचें.
- साहित्यिकान दुसऱ्याचे विचार/ मत/ संकल्पना /संशोधीत मजकूर वा परिच्छेदाची चोरी (Plagiarism) केल्या वा आसा तसोच कॉपी करून आपल्या लेखनात संबंदीत लेखनाचो संदर्भ दिनासतना वापर केला आनी जर कोणेय ताचेर हरकत घेतल्यार ताका प्रकाशक गोवा कोंकणी अकादेमी जापसालदार आसची ना वा सदर लेखनाची प्रकाशना खातीर विचार करचे नात.
- लेखनाची तपासणी/ पडताळणी/ छाननी / मोलावणी करून छापपाच्या निकशाचेर केल्लें लेखन ‘अनन्य’ म्हयन्याळ्यांत छापपा खातीर शिफारस करतले.
- आधुनीक संशोधनाच्यो पद्दती वापरून केल्ल्या संशोधन लेखनाक प्राधान्य दितले. 5. हाचे पयलीं मूळ भाशेंत वा कोंकणीचे खंयचेय एके लिपयेंत तशेंच अणकार करून हेर भासांनी उजवाडा हाडिल्लें लेखन/ सोद निबंद हांचो प्रकाशना खातीर विचार जावंचो ना.
- संशोधनाच्या निकशांचेर संपादक मंडळान थारायिल्लो दर्जो लेखकान सांबाळप बंधनकारक आसतलो.
- युनीकोड (देवनागरी) मंगल/ निर्मल फाँटांचो वापर करून टायप केल्लें लेखनूच स्विकारतले.
- सदर लेखन स्वता आपणे केलां म्हणपाची लिखीत गवाय लेखकान दिवप सक्तीचें आसा. 9. संशोधकान धाडिल्लें लेखन संपादन मंडळान अधिकृपणान नियुक्त केल्ल्या जाणकारां कडेन धाडटले. ताचे विशीं पुराय गुप्तता बाळगितले.
- आपले लेखन गोवा कोंकणी अकादेमीच्या अधिकृत ई- मेल आयडिचेरूच धाडचें. 11. लेखन देवनागरी लिपयेंतूच बरयिल्लें आसचें. लेखन करतना गोवा कोंकणी अकादेमीन तयार केल्ले कोंकणी शुद्ध लेखनाचे नेम वापरप सक्तीचें आसा.
- संशोधनात्मक लेखनाची लांबी कमीत कमी 2000 शब्द (संदर्भ वळेरे सयत) ते चडावत 2500 शब्दां मेरेन आसची.
- प्रपत्रां वांगडा लेखकान 100 उतरां भितर आपली वळख दिवची पडटली. 14. विद्यार्थी आनी शिक्षक अश्या लेखकांचें साहित्य मोलावणे खातीर जाणकार/ मार्गदर्शका कडेन धाडप गरजेचें आसा. अश्या लेखकांक मानधन आसचें ना.
- लेखन gkaananya@gmail.com ह्या ई-मेलाचेर धाडचें.
- छापपा खातीर वेंचूंक नाशिल्लें लेखन साबार परत धाडटले. लेखकाक स्पश्टीकरण दिवपाक संपादक मंडळ बांदील आसचें ना. जाणकारान मोलावणी करून दिल्लें मत अंतिम आसतले. 17. गरजे प्रमाणे नेम आनी निर्णय बदलपाक संपादक मंडळाक मेकळीक / अधिकार आसतलो.
