कोकणी केन्द्र – गोश्रीपुर आयोजित ६१वें प्रतिमास कोंकणी कवि संगम – ‘शोभकृत पौष’ ०४, फेब्रुवारी २०२४ आयतारा सांजे ३.३० वराचेर एन. सदानंद कम्मत हांचे घराकडेन (पळ्ळं मार्ग, कूवप्पाडं, कोच्ची -२) घडयलें.
मुखेल सोयरे म्हूण गोंय विद्यापीठाचे सह प्राध्यापक (कोंकणी विभाग) डॉ. प्रकाश पर्येंकार आनी स्टडी इंडिया प्रोग्राम वतीन शिक्षणीक भोंवडेक आयिल्ले 4 जापानी विद्यार्थी बी उपस्थित आशिल्ले. तानीं दिवली पेटोवून कार्यावळीचे प्रारंभ केलो.
प्रार्थनेचे उपरांत कोंकणी केंद्र – गोश्रीपुर संस्थेवतीन चित्तरंजन नायक हांणी सागळ्यांक येवकार दिलो. तदनंतर 2023 चे साहित्य अकादेमी पुरस्कार विजेता एवं विश्व कोंकणी केंद्राचे विमला वी.पै साहित्य कृति पुरस्कार विजेता डॉ. प्रकाश पर्येंकार हांका एन सदानन्द कम्मत (उपाध्यक्ष) हांणी साल पांगरून आदर केलो. तशीच विश्व कोंकणी केंद्राचे विमला वी.पै कविता कृति पुरस्कार विजेता आर.एस.भास्कर हांणी गोवा कोंकणी अकादेमीचे गोवेतर राज्यातले कोंकणी साहितींक अशिल्ले 2021 चे विजेता एन.बालकृष्ण मल्ल्या, संजीव वेरेंकार कविता लेखन सर्तींत तिसरे इनाम विजेता अंजली किणी हांका ताळीयो मारून अभिनंदन व्यक्त केलें.
त्या उपरांत घडयलेली कवी गोष्टींत आर.एस.भास्कर, एन सदानन्द कम्मत, विजयकुमार एन. पै, आर. रामानन्द प्रभु, के. नारायण नायक, गोश्रीपुरं हरिकुमार, जया बालकृष्ण कामत, सुधीश एस. शेणै, एस. रामकृष्ण किणी, टी. उमेश भट, गोविंद एस. नायक, एन. माधव रावु, वसंत कुमारी पी.एस., धन्या जी. मल्या, जी. मोहन रावु, अंजली किणी आनी हांचे ओट्टु डॉ. प्रकाश पर्येंकार हांणीय कविता सादर केली.
