मांगळूरु:
श्री संस्थान काशी तथा हलदीपूर मठाधीपती श्री श्री वामनाश्रम स्वामीजीचो चातूरमास अंदू वर्सा मांगळूर डोंगरकेरी श्री वेंकटरमण देवस्थानांत जातलो.
स्वामीजीचो हो 20 वो चातूरमास वृत आसून जुलै 3 तारिख आषाढ पूर्णिमा दिसा सुरू जाता आनी सेपटेंबर 28 तारीखेक भाद्रपद पूर्णिमा दिसा समापन पावता.
पयलें दिसा सकाळी 10 वरार नामसंकीर्तन आनी 11 वराचेर गुरु वेदव्यास पूजा आनी चातुर्मास्य संकल्प कार्यावळ आसा. दनपारा स्वामी भक्तजनां खातीर दर्शन दितले. 1.30 वरार महाप्रसाद, सांजेचे 4.39 वरार नामसंकीर्तन रात्री 7.30 वरार श्री चन्द्रमौलीस्वराची महापूजा ही आसाय कार्यक्रमां.
दर दिसा सकाळी 11 वरार नामसंकीर्तन, दनपारा 12.30 वरार दर्शन, तीर्थ प्रसाद, सेवा कार्यक्रम, सांजे 5.30 नामसंकीर्तन, रात्री 7.30 सावन 9 मेरेन चन्द्रमौलीस्वराची महापूजा, प्रसाद वितरण आनी फळ मन्द्राक्षत भेठवण चालू आसतलें.
चड मायती खातीर भाविकांनी मनोज श्रीनिवास नायक (9980092209), श्रीनिवास पुंडलीक शेट (9900118033), विनोद सदाशिव शेट (9483241464) हांच्यां कडेन संपर्क करयेत अशीं आयोजकांनी कळीत केल्ला.
