कोची:
कोची अमरावती जनार्दन कल्याण मंडप सभाघरांत घडयलें कोंकणी पारंपारीक अन्न महोत्सवांत थळावी आनी सेजार गांवचें सबार लोकांनी वांटो घेतलो.
कोंकणी खाणा पदार्थांचो उदरगत लक्ष दवरूनु आरंभिले कोंकणी फुड प्रैवट लिमिटड स्थापनाचे सुरवात म्हुण आयोजीत केल्ले अन्न महोत्सवांत कोंकणी समाजांतले विंगड विंगड विभागां वांटेकार जाली ही अपरूपताय बी आशिल्ली.
प्रसस्त गीतकार चित्रा सूरज शेट हांणी कोंकणी अन्न महोत्सवाचे उक्तावण केल्ले. अन्न प्रदर्शनांत पंचवीस भायर स्टॅलां अशिल्ली. तरां तरां कोंकणी खाणा पदार्थांचे प्रदर्शन जाल्लें.
जनार्दन कल्याण मंडप सभाघरांत घडयलें सुवाळ्यांत
मट्टान्जेरी सार्वजनीक बॅंकेचे अध्यक्ष सन्नाकुमार जी. हांणे
कोंकणी फुड प्रैवट लिमिटड स्थापनाचे दिवली पेटोवन औपचारीक उक्तावण केल्ले. स्थापनाचे वेवस्थापक अधिकारी सी.वी.वेणु हांणे यजमानपण चलयलें.
सुर्वेक कुमारी पूजा राजेष हांणे प्रार्थनागीत गायलें. निवृत नेवल सिविलीयन ऑफीसर आनी अनुग्रहा चारिटबिल ट्रस्ट निमंत्रक एन.रमेशकुमार हांणी मुख्यभाषण दिल्ले. तिरुकोची सहकारी सोसायटीचे अध्यक्ष पी.डी.मणी, विवेकानंद धर्म प्रचरण संघ वांगडी जी.सचितानंद शेणै, कोंकणी लेखक के.एन.आर.भट, विवेकानंद दर्म प्रचरण संघ वेवस्थीत सचीव बी.एस.उपेन्द्रन हांणी शुभेत्सा आंवडेलें.
जी.एस.जयचन्द्रन हांणे येवकार दिल्लो जाल्यार आरती शेटी हांणे उपकार मानलो.
