कोची: कोची एळमक्करा श्री दत्त कलानिकेतनाचे वतीन विंगविगड कलाक्षेत्रांत फाटली सबार वर्सां सावन वावुरपी पी.जी.गोपी मास्टर, वी.वी.मोहनन मास्टर आनी पी.पी.बालचद्रन मास्टर हांच्यो भोवमान जालो.
एळमक्करा श्री दत्तात्रेय देवस्थानाच्या सभाघरांत श्री दत्त कलानिकेतनाचे वतीन आयोजीत केल्ले कार्यावळींत देवस्थानाचे अधिकारी एम.एन.मुरलीधर स्वार हांणी यजमानपण चलयलें. मुखेल सोयरें केन्द्रीय साहित्य अकादमी पुरस्कृत आर.एस.भास्कर हांणी गोपी मास्टर (हार्मोनियम वादन), मोहनन मास्टर (तबला वादन) आनी बालचद्रन मास्टर (मृदंग वादन) हांच्यो शाल पांगरून आनी यादस्तीक भेटेवन आदर केल्ले.
वैश्य समाज, वैश्य महिळा समाज, भजन मंडळी आनी हेर संस्थेचे वतीनय ह्या वेळार कलाकारांचो आदर जालो.
सकाळी घडयलें कोंकणी गीत गायन सर्तींत सीनियर विभागांत
शिवकुमार सी.आर.(पयलें), विशाख पी.एम.(दुसरें) आनी अपर्णा के.शेटी (तीसरें), जुनियर विभागांत संयुक्ता एस. भट(पयलें), सेवकी पी.एस.(दुसरें) आनी समृत श्रीनीवास (तीसरें) ही जैत पावली. जैतिवंतांक ह्या वेळार उपहार भेटयलें.
विशिष्ट सोयरें केरळ कोंकणी अकादमीचे अध्यक्ष पी.एन.कृष्णन आनी दत्तात्रेय क्षेत्र मितीचे जाळवणदार अमृतराज हांणीं आसंशा भाषण केल्ले. सुरवेक गौरी कृष्णा हांणे प्रार्थनागीत गायलें. स्मिता अमृतराज हांणे येवकार दिल्लो जाल्यार सुनिता रतीष हांणे उपकार मागलो.
