कोंकणी केन्द्र – गोश्रीपुर आनी कोंकणी भाषा प्रचार सभा एकमेळून ७७वें म्हयन्याळें कोंकणी कवि संगम “विश्वावसु- वैशाख” २०२५ मे म्हयन्याचे १८ तारिखेक आयतारा देनपारां ३.३० वरांचेर कोच्चीच्या कोंकणी भवनांत घडेयलें.
कोंकणी केन्द्र – गोश्रीपूर संस्थेचो उपाध्यक्ष एन. सदानंद कम्मत हांणी कवी संगमाचें अध्यक्षपद सांबाळ्ळें. श्री. एस. चित्तरंजन नायक हांणी सगळ्या कवी गणांक येवकार दिलो.
त्या उपरांत, एस. रामकृष्ण किणी, आर. रामानंद प्रभु, जया बालकृष्ण कामत, वसंतकुमारी पी एस, के.एन.आर. भट, एन. बालकृष्ण मल्ल्या, आर.एस.भास्कर, के. नारायण नायक, विजयकुमार एन. पै, गोश्रीपुरं हरीकुमार, एन. सदानंद कम्मत ह्ये कवींनीं आपापल्यो कविता सादर केल्यो.
योगांत कोच्चीची प्रमुख स्तंभ लेखिका, इतिहासकार एवं अनुवादक डॉ. प्रतिमा आषर हाजिर आशिल्ली.
