कोंकणी केन्द्र- गोश्रीपुर, कोंकणी भाषा प्रचार सभा आनी सुशीला त्रिविक्रम भट कुटुंब एकमेळून श्रीमती (स्व.) सुशीला त्रिविक्रम भट स्मरणार्थ पुरस्कार वितरण सुवाळो २२ तारीखेक आयतारा कोंकणी भाषा भवन, चेरळायि, कोच्ची हांगा घडेयलो.
पुरस्कार समारंभा आदीं दनपारां ३.३० वरांचेर ‘क्रोधी मार्गशीर्ष कोंकणी कवि संगम’ प्रारंभ जालें. गोश्रीपुरम हरिकुमार, एस. रामकृष्ण किणी, वसंतकुमारी पी.एस., जया बालकृष्ण कामत, नारायण नायक, धन्या जी. मल्या, अनिता डी. किणी, सुरेश वी. शेणै, आर. रामानंद प्रभु, अंडिक्कडवु सुरेश पै, गोविंद एस. नायक, सुधीश एस. शेणै, आर. राजेंद्र भट, के.एन.आर. भट, विजयकुमार एन. पै, अर.एस.भास्कर, एन. बालकृष्ण मल्या, एन. सदानंद कम्मत अशी १८भायर कवींनी ह्या संगमात वांटो घेवन कविता सादर केल्यो.
सांजवेळा ५.०० वरांचेर श्रीमती अंजली भट हांणी वाचून आयिल्ल्या ईश्वरा प्रार्थनेन पुरस्कार वितरण सुवाळ्याची सुरवात जाली.
पुरस्कार वितरण सुवाळो सांजवेळा वरांचेर सुरू जालो.
निवृत्त अध्यापिका, स्तंभ लेखिका आनी भाषांतर विशेषज्ञा डॉ. प्रतिमा आषर हांणी भद्रदीप उजवाडावन सुवाळ्याचें उक्तावण केलें. “आपलीं लिपी वा व्याकरण ना अशें लोक फकाणां करताले तो पोरनो काळ बदलला आनी आयज कोंकणी आपलीच अस्मिताय जाणून घेवन ऊंच स्थानाचेर पावल्या” अशें श्रीमती आषरान आपल्या उक्तावण भाषणांत सांगलें.
नामनेचो संगीतकार आनी केनरा रोबेको, मंगलापुरम क्षेत्राचो आंचलिक प्रमुख श्री. मुरलीधर जी. शेणै मुखेल सोयरो आनी कोंकणी भाषा प्रचार सभाचे अध्यक्ष आनी निवृत्त न्यायाधीश श्री. एस. मनोहर किणी अध्यक्षूय आशिल्ले.
मागीर पुरस्कार वितरण जालें. श्रीमती. विलासिनी नारायण नायक हींकां साहित्यकृती पुरस्कार, श्री. एल. कृष्ण भट हांकां सेवा पुरस्कार, श्री. के.एन.आर भट हांकां कथा रचना पुरस्कार, श्री. एस. रामकृष्ण किणी हांकां कविता रचना पुरस्कार आनी श्री. आर. सदानन्दन आनी श्रीमती एस. माया पी. हांकां प्रत्येक सेवा पुरस्कार दिवन भोवमान केलो.
कोंकणी भाशा प्रचारसभाचो संयुक्त सचिव श्री. सुरेश पी.पै हांणी आपले उपकार मानले.
तदनंतर टि. डी.एल.पी. शाळेंतली कोंकणी अध्यापिका श्रीमती. सरस्वती. एस. प्रभु हींगेले शिक्षणे खाला भुर्ग्यांनी रंगारंग नृत्य कार्यक्रम अवतरण केलें.
