अंतर्राष्ट्रीय आवय भास दीसाक लागून कोंकणी केंद्र – गोश्रीपुर आनी कोंकणी भाषा प्रचार सभा एकमेळून ८७वें म्हयन्याळें कोंकणी कवि संगम “विश्वावसु – फाल्गुन” २०२६ फेब्रुवारी २१ तारिखेक शेनवार देनपारां ३.३० वरांचेर कोच्चीच्या कोंकणी भवनांत घडेयलें.
कोंकणी केन्द्र – गोश्रीपुर संस्थेचो वरिष्ठ वांगडी श्री. एस. चित्तरंजन नायक हांणी सगळ्या कवी गणांक येवकार दिलो. कोंकणी केन्द्राचो अध्यक्ष श्री. जी. मोहन शेणै हांच्या अध्यक्षतेखाला चलल्लें कवी संमेलनांत गोविन्द एस. नायक, वसंतकुमारी पी.एस., के.एन.आर. भट, जी.मोहन रावु, विजयकुमार एन. पै, आर. राजेंद्र भट, सुरेश वी. शेणाय, आर.एस. भास्कर, एन. सदानन्द कामत्त, के. नारायण नायक, जया बालकृष्ण कामत, उमेश टी. भट, एस. रामकृष्ण किणी, सुधीश एस. शेणाय, जी. मोहन शेणाय, एन. बालकृष्ण मल्ल्या ह्ये कवींनीं आपापल्यो कविता सादर केल्यो.
नामनेची स्तंभलेखिका, इतिहासकार आनी अणकारपी डॉ प्रतिमा आषर संमेलनांत हाजीर आशिल्ली.
