कोच्ची : “कोंकणी मान्यताय दीस” बिरस्तारा 20 ऑगस्ट 2026 दिसा सांजवेळा 5.30 वरांचेर कोंकणी भाषा भवन, चेरलाय, कोच्ची हांगा कोंकणी भाषा प्रचार सभा आनी कोंकणी केन्द्र – गोश्रीपुर संस्थो एकमेलनु मनयतले.
टीडीएलपी शाळेच्या विद्यार्थ्यांनी सादर केल्ल्या ईश्वरप्रथरा उपरांत कोंकणी केन्द्र – गोश्रीपुर संस्थेचे सचीव संध्या वी. प्रभु सोयऱ्यांक येवकार दितली. कोंकणी केन्द्र – गोश्रीपुर संस्थेचे अध्यक्ष मोहन जी शेणाय अध्यक्ष भाशण दितले आनी उपरांत नामनेचो मलयाळम फिल्म अभिनेतो आनी दिग्दर्शक श्रीकांत मुरली हांणी दिवो पेटोवन उत्सवी कार्यावळीचें उक्तावण करतले.
ह्या काऱ्यक्रमांत मलयाळम सिनेमा पी.आर. ओ. ए.एस. दिनेश बरेयल्ले “नमस्कारं, दिनेशाण पी.आर.ओ” म्हण पुस्तकाचे कृष्ण नारायण नायक हांणी कोंकणींत अणकारीत केल्लो “हांव दिनेश तां, पी.आर.ओ.” पुस्तक श्रीकांत मुरली विमोचन करतले. पुस्तकाची पयली प्रत कोच्ची तिरुमल देवळाचे मुख्य अर्चक आनी ज्येश्ठ कोंकणी नाटक कलाकार एल. कृष्ण भट घेतले.
नामनेची फिल्म गायिका एस. संगीता श्रीकांत ह्या पुस्तकाची पयली प्रत यशोदा’स लायब्ररीचे धनी कु.यशोदा शेणायक दितली. ते उपरांत पुस्तक लेखक ए. दिनेश पुस्तका विशीं थोडीं उतरां उलयतलो.
श्रीमती एस. मंजू एस वाध्यार (यासोराम बिल्डर्स) आनी श्री सी.व्ही.हरींद्रन
(क्लिक कम्युणिकेशन्स) अभिवादन वाडयतले.
ह्या काऱ्यक्रमांत कोंकणी मन्याताय दीसाचे अनुबंध आयोजीत जाल्ल्या सर्तींच्या विजेत्यांक इनामां वांटून दितले.
कोंकणी भाषा प्रचार सभाचे संयुक्त सचीव श्री सुरेश पी.पै उपकार मानतले.
