सागर: अखिल भारतीय कोंकणी परीषदेचो स्थापना दीस ह्या वर्सा 12 जुलै दिसा कर्नाटकांतल्या सागर हांगा साजरो करपाचो आसा. ह्या कार्यावळीची मुळावे तयारे खातीर परिषदेचे कार्याध्यक्ष चेतन आचार्य हांच्या फुडारपणाखाला शिष्टमंडळान थळाव्या कोंकणी लोकां कडेन बसका घेतली.
ह्या बसकेवेळार स्थापना दीस कार्यावळीचेर उलोवप जालें. कार्यावळी यशस्वी करपा खातीर थळाव्या कोंकणी समाजाचो सहकार आनी सहभाग मेळोवपाचेर भर दिलो. तशेंच विविध उपक्रम, सांस्कृतिक कार्यावळ्यो आनी संघटनात्मक विषयांचेरूय उलोप जाले.
