एरणाकुळम:
केरळ सरकाराचे संस्कृती खत्या खाला स्थापीत कोंकणी साहित्य अकेदमी केरळ संस्थेचे वतीन कार्णाकोडम श्री शिध्दीविनायक सभाघरांत चालू आशिल्ली कोंकणी साक्षरता कार्यक्रमाची समाप्ती जाली.
गौड सारस्वत ब्राह्मण कल्याण आनी संस्कृतीक मंडलाचे सरकार्यदर्शी पी.एस.रामानंद राव हांणी संम्मेळनाची उक्तावण केल्ली. कोंकणी अकादमी केरळचे वांगडी सचीव डी.डी. नवीनकुमार हांणी मुख्यभाषण केल्ले. अध्यापक प्रो. के. एन. आर.भट आनी जगदीश्वर कम्मत हांचो ह्या वेळार आदर जालो. के.एन.आर.भट, जगदीश्वर कम्मत आनी वी.माधव पै हांणी उलेयलें.
कोंकणी साक्षर पद्धत कार्यक्रमांत साबार लोकांक देवनागरी कोंकणींत बरोवपांत शिक्षण दिवपाक साद्य जालें आनी
अकादमीचे वतीन ह्या पद्धती खाला केरळांत हेर वाटारांतय कार्यक्रम घडयतलें अशी नवीनकुमार हांणी सांगलें. अकादमीचे एरणाकुळम रेवन्यूटवर जाग्यार आशिल्या सभाघरांत दर म्हयनांत विंगविंगड कार्यक्रमां घडयतलें अशेय तांणी सांगलें.
