धारवाड:
नामनेचे साहित्यीक आर.एस.भास्कर हांगेलो साहित्य अकादमी पुरस्कार जोडिल्लो ‘युगपरिवर्तनाचो यात्री’ कविता संग्रहाचे हिंदी भाशांतर ‘युगपरिवर्तन के यात्री’ धारवाडांत उजवाडायलो. कर्नाटक विध्यापीठ निवृत हिंदी प्रोफेसर डाॅ.प्रभा भट हांणी हो पुस्तक कोंकणीतल्यान हिंदींत अणकारला.
कर्नाटक विध्यापिठाचे हिंदी विभागान आयोजीत केल्ले
समकालीन भारतीय साहित्यांतलें पर्यावरण समीक्षा ह्या
अंताराष्ट्रीय चर्चासत्राच्या समारोप सुवाळ्यांत नामनेचे हिंदी कन्नड लेखक डाॅ.सिद्दलिंगा पटाणशेटी हांणे पुस्तकाची प्रथम कोपी कोलापूर विध्यापीठाचे निवृत हिंदी प्रोफेसर डाॅ.अर्जून चवान हांका दिवन प्रकाशन केल्ले.
पुराय कविता बर्यो आसाय. थोडे कविता ल्हान दिसताय जों उन्नत तत्वगिन्यान दिताय अशें डाॅ.सिद्दलिंगा हांणें सांगले. अणकार एकदम सुंदर आसा अशेय ताणें परतून सांगलें.
भास्कर हांचो युगपरिवर्तनाचो यात्री हो कविता पुस्तक आजून इंग्लीश कन्नड मलयाळम आनी मराठी भाशेंत विवर्तन जाला.
ह्या संग्रहावेल्यो कांय कविता आयरीष भाशेंतय छापून आयल्याय.
