एरणाकुळम:
केरळ कोंकणी अकादमीचो अंदू वर्साचो पंढरीनाथ भूवनेन्द्र पुरस्कार सरस्वती एस.प्रभु हांका भेटेयलो.
एरणाकुळत्तप्पन ग्रौंड हांगा चलपी कोची अंताराष्ट्रा पुस्तकोत्सवाच्या वेदींत केरळ कोंकणी अकादमीन आयोजीत केले पुरस्कार भेटवण सुवाळ्यांत मांगळूर विश्व कोंकणी केन्द्राचे सरकार्यदरशी आनी विश्वस्त डाॅ.कस्तूरी मोहन पै हें मुखेल सोयरे आशिल्ले. केरळ कोंकणी अकादमीचे अध्यक्ष पी.एन.कृष्णन हांगेल्या यजमानपणार चल्लेल्या कार्यावळ डाॅ.कस्तुरी मोहन पै हांणे दिवली पेटोवन उक्तावण केल्ले.
उपरांत सरस्वती एस.प्रभु हांका पंढरीनाथ भूवनेन्द्र पुरस्कार भेटेयलो. ‘जीवन मुक्ती’ ह्या कथेक आसा पुरस्कार. केरळच्या लेखकांचे गद्य साहित्य कृतीक दर वर्सा हो पुरस्कार दिताय. यादस्तीक, मानपत्र आनी रोख हें आसा पुरस्काराचे स्वरूप.
उपरांत जाल्ले पुस्तक प्रकाशन सुवाळ्यांत रामानंद प्रभु हांणे रचिल्लो आनी केरळ कोंकणी अकादमीन प्रकाशीत केल्लो ‘कोंकणी कविता भरो’
कविता झेल्लो साहित्यीक आर.एस.भास्कर हांणें उजवाडायलो.
अखिल भारतीय परिशदेचे नव्या कार्यकारिणी समितींत उपकार्याध्यक्ष म्होण वेंचून आयिल्या पी.एन.कृष्णन साबार मंडळाचे वांगडी म्होण वेंचून आयिल्ले के.एस.कृष्णकुमार आनी गणेश शेटी हांचें ह्या वेळार आदर जालो.
अंदू वर्साचो विमला वी पै विश्व कोंकणी कविता पुरस्कार फावो
जाल्लेल्या आर.एस.भास्कर हांचोय ह्या वेळार आदर जालो.
सुर्वेक रस्मी डी.शेणै हांणे प्रार्थनागीत गायलें. चन्द्रबाबु यु.शेटी, प्रो.जी.मोहनराव, सरस्वती प्रभु आनी रामानंद प्रभु
हांणीं उलेयले. सिन्धु आर.प्रभु हांणे सूत्रसंचालन केले.
