कोची:
कोकणी केन्द्र – गोश्रीपुर आनी कोंकणी भाषा प्रचार सभा एकमेळनु ५२वें प्रतिमास कोंकणी कवि संगम – ‘शोभकृत वैशाख’ ३० एप्रिल २०२३ आयतारा सांजे ३.३० वराचेर कोंकणी भाषा भवन, कोच्ची हांगा घडयलें.
प्रार्थनेचे उपरांत कोंकणी केंद्र – गोश्रीपुर संस्थे वतीन श्री. एस. चित्तरंजन नायक हाणी सगळे कवी गणांक येवकार दिलो. हालींच अंतरले कोंकणीचे नामनेचे साहित्यीक संजीव वेरेंकर आनी गजानन जोग हांका मौन प्रार्थानेन आर्गां ओंपली.
त्या उपरांत घडयलेली कवी गोष्टींत सर्वश्री/श्रीमती रवींद्रनाथ हेगडेन (फुल्लं जत्तायि, रूप देवा), के.एन.आर भट (धांवडि रे धांवडि), एन सदानन्द कम्मत (आबु), धन्या जी मल्या (रुकु), आर. रामानन्द प्रभु (झोळिये गींतु, पावसांतु मन्न तिम्बलें), विजयकुमार एन. पै (जिखूका म्हाका), सुधीश एस. शेणै (अम्बो आनी पारि), सुरेश वी. शेणै (रक्षकु तूं उद्यानेश्वरा), श्रीकर बी. भट (गोश्रीपुरेश भजन), एन.माधव रावु (सत्सङ्गाचें फल), गोविन्द एस. नायक (फुल्ला ब्यारेली), आर.एस. भास्कर (आषाढाचो पयलो पावस), एन. बालकृष्ण मल्ल्या (पटळ्येतुलीं बावलीं, आनीक सूर्य उदेवना), वसन्तकुमारी पी.एस (रन्नांतुलो गींतु, अज्जि), काञ्चना बोस (संख्या गीत, कृष्णा कृष्णा धावनु यो रे), मोहन रावु (दोवु), गोश्रीपुरं हरिकुमार (तूंचि राक देवा) ह्ये कवीनीं आपआपली कविता सादर केली.
मागीर, वाचिल्या कवितेंचेर चर्चा घडली. प्रार्थनेचे उपरांत बसका सोंपली. योगांत कोच्चीची प्रमुख स्तंभ लेखिका, इतिहासकार एवं अनुवादक डॉ. प्रतिमा आशर उपस्थित आशिल्ली.
