“विश्वासो फलदायक” नाटक कोच्चींत केलें सादर

कोंकणी भास आनी देवनागरी लिपीचो प्रचार आनी प्रचार करपाच्या हेतान ऑगस्ट २०१३ त स्थापन जाल्ल्या कोंकणी केंद्र – गोश्रीपूर संघटनेच्या १०व्या वर्साच्या निमतान कोचीच्या वायएनपी ट्रस्ट हॉलांत “विश्वासो फलदायक:” हें नाटक परतून सादर केलें.

श्रीमती एस. सुशीला त्रिविक्रम भट्ट हे केंद्राचे उपाध्यक्ष आशिल्ले. हें नाटक पयलेच पावटी 1988 वर्सा माध्व नवमी दिसा कोच्ची तिरुमल देवस्वं देवळांत “गोश्री कलाकेंद्र” बॅनरा खाला माचयेर हाडलें.

आजि सांजवेळा 6 वरांचेर जाल्ल्या सुवाळ्यांत कोंकणी रंगमाचयेचो प्रमुख कलाकार आनी कोच्ची तिरुमल देवस्वं देवळाचो मुखेल अर्चक श्री. एल. कृष्ण भट तशेंच नामनेचे कोंकणी साहित्यकार आर.एस.भास्कर आनी रामकृष्ण किणी हाजीर आशिल्ले.

संध्या वि. प्रभु दिग्दर्शन आनी सरस्वती एस. प्रभु, डॉ. अनिता डी. किणी हांनी सह-दिग्दर्शन केल्ल्या ह्या नाटकांत सात प्रसंग आसात. नाटकांत 22 बाल कलाकारांनी अभिनय केल्लो.