कोची:
कोंकणी केन्द्र गोश्रीपूर आनी कोंकणी भाषा प्रचार सभा हें संस्थेचे जोड पालवान आयज (26 तारिखेक) 51वें शोभाकृत चैत्र कवी संगमम घडयतले.
कोची चेरळाय हांगाचे कोंकणी भाषा प्रचार सभा सभाघरांत दनपारा 3 वराचेर जावपी कार्यावळ कोंकणी भाषा प्रचार सभा सरकार्यदर्शी कोंकणी फुडारी पद्मश्री एन. पुरुषोत्तम मल्या उक्तावण करतले. कोंकणी केन्द्राचे तशेंच प्रचार सभेचे अध्यक्ष डाॅ.के.अनंत भट हें यजमानपण चलयतलें. आर.एस.भास्कर, अभयकुमार वेलींगकार आनी वल्ली क्वाड्रोस मुखेल सोयरें ह्या नत्यान कार्यावळींत वांटो घेतले. कोंकणी केन्द्राचे सरकार्यदर्शी एम.लक्ष्मण किळीकार प्रचार सभेचे उपाध्यक्ष सुरेश पी.पै हें उलयतलें.
केरळचे लेखकांचे वैचीक कथासंग्रह ‘काणियां पेट्टारो’, केरळचे पांचाणव कवींची वैचीक कविता आसपाविलें कविता संग्रह ‘काव्य धनुष’ आनी शरतचन्द्र शेणै हांगेलें ‘कवी आनी कविता’, बालकृष्ण मल्या हांगेलें ‘मौन शब्द’ डिजिटल कवितां पुस्तकांचेय ह्या वेळार प्रकाशन जातलें.
उपरांत जावपी कवि संगमांत सबार कवी वांटो घेतलें आनी कविता सादर करतलें.
