वामनाश्रम स्वामीजीची एकात्मत पदयात्रा अक्षय तृतीय दिसा काशींत समाप्ती

कोची:
हळदीपूर शांताश्रम मठाधीपती श्री श्री वामनाश्रम स्वामीजीची
विजयदशमी दिसा केरळ कालडी आदी शंकरा जल्म क्षेत्र हांगा सावन सुभारंभ जाली शंकरा एकात्मत पदयात्रा २०१ दीस पूर्ती पावन अक्षय तृतीय दिसा एप्रिल २३ तारिखेक काशींत समाप्ती जातली.

२३ तारखेक दनपारा ३ वरार पदयात्रा वाराणसी गोकुल नगराच्या तुळसी उद्यान हांगा सावन सुरु जाता. ढूढीराज गणेश मंदीर, काशी विश्वनाथ मंदीर आनी अन्नपूर्णादेवीचे दर्शन घेवन पदयात्रा समाप्ती पावतली.

उपरांत विश्वनाथ कोरिडोर हांगा श्री गुरुदर्शन आसतलें. रात्री ८ वरार तुळसी उध्यानांत श्री चन्द्रमौलीश्वर देवता पूजा बी जातली.

आदी संकराचार्याच्या संदेशाचो प्रचार आनी वैश्य समुहाचे काशींतले नामावशेष जाल्ले मूंळ गुरुमठाचे पुनस्थापन हें वामनाश्रम स्वामीजीचे केरळ थंय काशी मेरेनचे एकात्मत
पदयात्रेचे उद्दिश्ट आसा. केरळ, कर्नाटक, गोंय, महाराष्ट्र, मध्यप्रदेश, उत्तरप्रदेश, हैद्राबाद, तमीळनाडूं राज्यांतल्यान हजारांनी भावीक पदयात्रेच्या समाप्ती कार्यक्रमांत आनी २४,२५ तारिखेक जावपी हेर पूजा कार्यक्रमांत वांटो घेवपाक पावतले अशीं गुरुमठ प्रबंधन समितीन केळीत केल्ला.