एरणाकुळम: कोंकणी फुडारी, साहित्यीक आनी चरित्रकार कोचीचे पद्मश्री पुरुषोत्तम माल्या हांचें देह वियोगांत केरळम राज्य संस्कृतीक विभागा खाला स्थापीत कोंकणी साहित्य अकादमीचे वतीन दुःख उक्तायलें. एरणाकुळम भारत होटल सभाघरांत अकादमीचे अध्यक्ष वी.गोविंद नायक हांचे यजमानपणार चलयले कार्यक्रमाचे कोची नगरपालिकेचे आदलें नगराध्यक्ष ऑड.एम.अनिलकुमार हांणे उक्तावण केल्ले. आनी आदलें नगराध्यक्षा सौमिनी जैन हांणी मुख्य भाषण केले.
आर.एस.भास्कर (साहित्यीक), प्रो.विनोदकुमार कल्लोलिक्कल (महाराजास विश्वविद्यालय), ऑड.डी.जी.सुरेश (उपाध्यक्ष,एड्राक), शरदचंद्र शेणै (साहित्यीक), ए.एस.स्यामकुमार (अध्यक्ष,कुडुंबी सेवा संघ), मनोहर आर.शेणै (भंडारी,कोंकणी भाषा प्रचार सभा), वी.वी.नारायण प्रभु (अधिकारी,धन्वंतरी देवस्थान), ऑड.जनार्दन शेणै (आदलें सरकार वकील), पी.एन.कृष्णन (अध्यक्ष,केरळ कोंकणी अकादमी), प्रो.के.एन.रमेश भट (साहित्यीक), पी.एस.रामानंद राव (सरकार्यदर्शी, सारस्वतम ड्रस्ट) हांणी आर्गां ओंपून उलेयले.
अकादमीचे उप सचीव इ.एस.राकेष पै हांणी येवकार दिल्लो जाल्यार वांगडी एन.प्रभाकर नायक हांणी उपकार मागलो.
पद्मश्री पुरुषोत्तम मल्या हांचे नावार कोचींत कोंकणी संशोधन केंद्र स्थापनेक खातीर केरळम राज्य सरकारा कडेन कोंकणी साहित्य अकादमी मागणी करतले. अशें अकादमीचे जाळवणदारानी ह्या वेळार सांगलें.
