कोची : नामनेचे कोंकणी कवी, लेखक उदय नरसिंह म्हांबरो हांणी बरयल्ल्या ‘काळीज उसवलां’ ह्या कादंबरीच्या मलयाळम अणकार ‘हृदयक्केट्ट झिंजप्पोल’ ह्या पुस्तकाचेर परिसंवाद १६ जुलय २०२६ दिसा सांजवेळा ४.०० वाजता एर्नाकुलमांतल्या प्रबोध भवन हांगा जातलो. ह्या कादंबरीचो मलयाळम अणकार कवी एन. बाळकृष्ण मल्ल्या हांणी केलो आसून, ह्या पुस्तकाचें प्रकाशन केरळचे राज्यपाल राजेंद्र आर्लेकार हांच्या हस्तुकी जालें.
कार्यक्रमाचें अध्यक्षस्थान प्रबोध ट्रस्टचे कोषाध्यक्ष आनी कुदुंबी सेवा संघ (केरळ) राज्याध्यक्ष ए. एस. श्यामकुमार भूशयतले. प्रबोध ट्रस्टचे सचिव आनी कोंकणी साहित्य अकादमी (केरळ)चे वांगडी-सचिव डी. डी. नवीन कुमार येवकाराचें स्वागत करतले.
ह्या परिसंवादांत केंद्र साहित्य अकादमी पुरस्कार विजेते आर. एस. भास्कर, शरतचंद्र शेनॉय आनी आनंद कामत; पी. जी. कामत फाउंडेशनाचे विश्वस्त आनी प्रकाशक; पटकथा बरोवपी आनी दिग्दर्शक किशोर अर्जुन; मलयाळम कवी के. व्ही. अनिल कुमार; कोंकणी साक्षरता चळवळीचे पुरस्कर्ते के. एन. आर. भट; बालाचंद्रन के.; के. के. संतोषकुमार; केरळ कोंकणी अकादमीचे अध्यक्ष पी. के. कृष्णन; आनंदतीर्थन सांस्कृतिक केंद्राच्या अध्यक्षा डॉ. उषा किरण आनी हेर जायते नामवंत साहित्यिक आनी सांस्कृतिक क्षेत्रांतल्या मान्यवरांचो सहभाग आसतलो.
लेखक कुंजी कोचू शेरुब्बू पुस्तकाचेर आपलो अभिप्राय मांडटले. महाराजा कॉलेजाचे इतिहास विभागाचे प्राध्यापक प्रा. विनोदकुमार कल्लोलिकल समारोपाचें भाषण करतले आनी आभार प्रदर्शन करतले.
