देश/संवसारसांस्कृतीक खबरो

कोच्चींत कोंकणी कवि संगम ‘शोभकृत आषाढ’ घडयलें

कोच्ची :

कोकणी केन्द्र – गोश्रीपुर आयोजित ५४वें प्रतिमास कोंकणी कवि संगम – ‘शोभकृत आषाढ’ २५, जून २०२३ आयतारा सांजे ३.३० वरार एन. सदानंद कम्मत हांचे ऊघराकडेन (कोच्ची तिरुमल देवस्थानाचे उत्तर द्वाराचे लागी) घडयलें.

प्रार्थनेचे उपरांत कोंकणी केंद्र – गोश्रीपुर संस्थेवतीन एस. चित्तरंजन नायक हाणी सगळे कवी गणांक येवकार दिलो. तदनंतर कोंकणीचो वरिष्ठ कवी आर. एस भास्कार हाणी कोंकणी पितामह शणै गोंयबाबाचे जन्म दिन (२३ जुुन) संदेश दिलो. गोंयबाबान कोंकणी भासेखातिर दिल्लेले योगदान विसरू नज म्हणूय, तांनी केलेले काम सदांच मुखावयले मार्ग उज्वाड घालताच आसतलो म्हणूय भास्कर हाणी सांगिलें.

त्या उपरांत घडयलेली कवी गोष्टींत के.एन.आर भट (गुरु महिमा), एन सदानन्द कम्मत (नाण्याचे दोनि भाग), आर. रामानन्द प्रभु (एकसूरे मना विचार), सुधीष एस. शेणै (पोणोसु), एन. बालकृष्ण मल्ल्या (रित्तें मात्थें), पंकज आषर (मातृभाषा), जी. मोहन रावु (फुल्लालो प्रश्नु), विजयकुमार एन. पै (तें बरेयलें), एन.माधव रावु (यशोदा मायि), रंजितकुमार भट (पारीजातक), आर.एस.भास्कर (भिक्षा न्हय जीवन), गोश्रीपुरं हरिकुमार (वैराग्य) ह्ये कवीनीं आपआपली कविता सादर केली.  मागीर, वाचिल्या कवितेंचेर चर्चा घडली. प्रार्थनेचे उपरांत बसका सोंपली.

Show More

Related Articles

Leave a Reply

Your email address will not be published. Required fields are marked *

Back to top button
Don`t copy text!