कोंकणी केंद्र – गोश्रीपुर आनी कोंकणी भाषा प्रचार सभा एकमेळून ८२वें म्हयन्याळें कोंकणी कवि संगम “विश्वावसु – आश्विन” २०२५ ऑक्टोबर ११ तारिखेक शेनवार देनपारां ३.३० वरांचेर कोच्चीच्या कोंकणी भवनांत घडेयलें.
कोंकणी केन्द्र – गोश्रीपुर संस्थेचो वरिष्ठ वांगडी श्री. एस. चित्तरंजन नायक हांणी सगळ्या कवी गणांक येवकार दिलो.
त्या उपरांत, (सर्वश्री/श्रीमती/कु) के.एन.आर भट, आर.एस.भास्कर, आर. राजेन्द्र भट, जी मोहन रावु, जया बालकृष्ण कामत, एस. रामकृष्ण किणी, के. नारायण नायक, उमेश टी. भट, संध्या वी प्रभु, धन्या जी मल्या, जी. मोहन शेणाय, एन. बालकृष्ण मल्ल्या, एन. सदानंद कम्मत, गोश्रीपुरं हरीकुमार ह्ये कवींनीं आपापल्यो कविता सादर केल्यो.
योगांत कोच्चीची प्रमुख स्तंभ लेखिका, इतिहासकार एवं अनुवादक डॉ. प्रतिमा आशर उपस्थित आशिल्ली.
