कोची:
आमी भुरग्यांक भास सांगून दिवपाक जाय. तेन्ना ती पिळगी पिळग्यां मेरेन पावतली अशी जस्टीस एन.नगरेश हांणी सांगले. अखिल भारतीय कोंकणी परिशदेचे आनी केरळ कोंकणी अकादमीचे जोड पालवान कोची वै.एन.पी.ट्रस्ट एसी सभाघरांत घडयलें.
मनोमिलन संम्मेळनाचे समारोप सुवाळ्यांत मुखेल सोयरे ह्या नत्यान ते उलेयतालें. आयज माय भास कोंकणीचो वापर उणें जावन येता. कोंकण्या देवस्थानांचे कार्यक्रमांत लेगीत कोंकणीचो भाशेचो वापर खूब नामुनेन जावपाक जाय अशीय तांणे परतून सांगलें. केरळचे कोंकणींत मलयाळम भरसून आसा. कर्नाटक कोंकणींत त्याच आकड्यांनी कन्नड भरसला आनी गोंयच्या कोंकणींत पोर्तुगीज बी. म्हणून कोंकणीचे एकीकरण जावपाक जाय अशेय नगरेश माम्मान मत उकतायलो.
सकाळी श्री निराकार एज्युकेशन सोसायटी गोंय हाचे
अध्यक्ष प्रशांत नायक हांणी मनोमिलन कार्यावळीचे दिवली पेटोवन उक्तावण केल्ले. अखिल भारतीय कोंकणी परिशदेचे कार्याध्यक्ष चेतन आचार्य हांगेल्या यजमानपणार घडेयल्या उक्तावण सुवाळ्यांत निवृत न्यायाधीश एस.मनोहर किणी (अध्यक्ष, कोंकणी भाशा प्रचार सभा), राजेश शर्मा (पुरस्कार जैतिवंत टियेटर आनी सिनीमा कलाकार), सीए.जितीनदास ए.एच(उप संचालक, जीएसडी ऑडिट कमिषणरेट, अर्थीक मंत्रालय, भारत सरकार), रघुराम जे.पै (नगर सेवक,कोची कॅर्परेशन), ऑड.प्रिया प्रसांत (नगर सेवक,कोची कॅर्परेशन) ह्या मान्य सोयर्याचे आशंसा भाषण जालें.
विंगविगड क्षेत्रांत जैत जोडिल्या अलकेश राज (फुटबॉल), कृपाल सायराम (मृदंग वाजन), अंजना वाध्यार (यंग लाॅयर अवार्ड), अस्वीन शेटी (बोडी बिलडींग मिस्टर वर्ल्ड), अनंत उदयभानू (एनवइरन्मन्टलिस्ट), सीए जितीनदास ए.एच.(सिवील सर्वीस), राजेश शर्मा (टीयेटर आनी सिननेमा कलाकार) हांच्यो ह्या वेळार भौमान जालो.
सुरवेक कोंकणी प्रेमी मंडळ पांगड सीता, अपर्णा, सौम्या आनी अशोक हांणीं येवकारगीत सादर केल्ले. केरळ कोंकणी अकादमीचे सरकार्यदर्शी चन्द्रबाबू यु.शेटी हांणे येवकार दिलो जाल्यार मुखेल निमंत्रक सुधीश शेणै हांणे उपकार मागलो.
डाॅ.पी.आर.हरीन्द्र शर्मा हांचे अध्यक्षते खाला जालें पयल्या सत्रांत कोंकणी – काल आज आनी फाल्या ह्या विशयाचेर भासाभास जाली. एस.रामकृष्ण किणी, संध्या वी.प्रभु आनी के.एस.कृष्णकुमार हें वांटेकार आशिल्ले.
उपरांत जालें सांस्कृतिक कार्यावळींत टी.डी.एल.पी. शाळेंतल्या विद्यार्थ्यांनी नांच,गीत अश्यो वेगवेगळे कार्यक्रमां सादर केल्यो. अंडिकडवु सुरेश पै हांचे हास्य गीत, कुटुंबी सेवा संगम हांगेलें फुगडी नाच लोक गीत गायन, आर.रामानंद प्रभु आनी संघाचे गीतमाला कार्यक्रमां बी जाली.
दनपारां जेवणा उपरांत आर.एस.भास्कर हांचें अध्यक्षते खाला घडेयल्या कोंकणी लोकांची उदरगत – आव्हान आनी उपाय ह्या विशयावेल्या चर्चेंत प्रोफ.के.एन.आर.भट (जी.एस.बी.समाज), एस.सुधीर (कुणबी समाज), संजय राजगोपाल (सारस्वत समाज), पी.ए.रामचंद्रन आनी पी.के.शशी (वेळ्ळाळा शेटी समाज), के.एन.विजीत कुमार (वैश्य समाज) हांणीं सक्रियपणान वांटो घेतलो. केरळांत कोंकणी शिक्षणा खातीरची व्यवस्था जावपाची गरज चर्चेंत उक्तावंन आयली.
सांजे जालें समारोप सुवाळ्यांत जस्टीस भौ.एन.नगरेश मुखेल सोयरे आशिल्ले. केरळ कोंकणी अकादमीचे अध्यक्ष पी.एन.कृष्णन हांगेल्या यजमानपणार घडेयल्या संम्मेळनांत अविनाश पी.कम्मत (अधिकारी, कोची तिरुमला देवस्थान), सुधा दिलीप (नगर सेविका, कोची कॅर्परेशन), नवीन ए.प्रभु (ट्रस्टी, वै.एन.पी.ट्रस्ट) हे मानेस्त उपस्थित आशिल्लें.
सुरवेक पद्मा शेणै हांणे प्रार्थनागीत गायतले.
येवकार समितीचे अध्यक्ष प्रोफ.के.एन.आर.भट हांणे येवकार दिलो जाल्यार अकादमीचे उपाध्यक्ष टी.आर.सदानंद भट हांणे उपकार मागलें. धन्या जी.मल्या हांणे पुराय कार्यक्रमाचे सूत्रसंचालन केल्ले.
उपरांत ‘अन्त्यारंभ’ ह्या कोंकणी चित्रपटाचे प्रदर्शन बी जालें. संम्मेळनांत साबार आंकड्यानी लोक हाजीर आशिल्ले.
