एरणाकुळम:
माय भास उलयतना दर एकल्याचे मान वाडता आनी भाशो एक मेळतना देशाची अखंडताय राखपाक
साध्य जाता अशे नामनेचे कोंकणी साहित्यीक आर.एस.भास्कर
हांणी सांगले. २७ वें कोची अंताराष्ट्रा पुस्तकोत्सवाचे साहित्योत्सव कार्यक्रमाक लागून आयोजीत केल्ले भाशा संगमम कार्यावळींत अध्यक्ष ह्या नत्यान ते उलेयतालें. राज्याचे वांटणी जातानय भाशेचें भाग करूंक शकना अशें तांणी परतून सांगलें.
कार्यावळीचे प्रारंभ म्हणून मास्टर सुदर्शन आनी मास्टर अध्यैद हांचे तबला वादन ताळलय कार्यक्रम जालें. आंजली किणी हांणे प्रार्थना गीत गायलें. पुस्तकोत्सव समितीचे सरकार्यदरशी लिजी भरतन हांणी प्रास्ताविक भाषण केलें.
त्या उपरांत भाशासंगमम कार्यावळ घडली. ज्योतीशमयी वी.(संस्कृत), एन.एम.हस्सन( अरबीक), पीटर हीळीवेल फरणाडस(इंग्लीश), हेमांगिनी पाटील (गुजराती), मुकेश जैन(कचच्ची), परिणिता रवी(कन्नड), के.गोकुलदास प्रभु(कोंकणी), रंजीत हरिदास(मलयाळम), बिन्दु इरुळम(ननकामाथू-गोत्रभास), आण्टणी निळटण रेमेलो(पोर्तुगीज), बण्टी सिंग(पंजाबी), उत्तम मिश्रा आनी कृष्णा मिश्रा(राजस्थानी), ज्योती विजयकुमार थंत्री(तुळु), बषीर किष़क्केवीट्टील(उर्दू) हांणीं आपण अपल्या मातृभाषेतून उलोवप केल्ले.
उपरांत ऑड.प्रेमचन्द्रन हांणें वांटेकार भाशिकांक मानपत्र आनी यादस्तीक भेटेवन मान केल्ले. विजयन के. हांणे उपकार मागलो. परिणिता रवी हांणे सूत्रसंचालन केल्ले.
