एरणाकुळम:
केरळ सरकाराचे संस्कृतीक खात्या खाला स्थापीत कोंकणी साहित्य अकादमी केरळचे वतीन एरणाकुळम लागसार एळमक्करा श्री दत्तात्रेय देवस्थानाचे सभाघरांत कोंकणी साक्षरताय शिबीर घडयलें. साहित्यीक आर.एस.भास्कर हांणी कार्यावळीचे उक्तावण केल्ले. सुरवेक शिवेदा हांणें प्रार्थनागीत गायलें.
देवस्थानाचे मुखेल अधिकारी एम.एन.मुरलीधर स्वार हांगेल्या यजमानपणार जालें सुवाळ्यांत अकादमीचे वांगडी सचीव नवीनकुमार डी.डी. हांणें येवकाराची उतरां उलेयली.केरळ भर कोंकणी साक्षरताय शिबीर घडयतले अशी नवीनकुमार हांणी आपल्या उलोवपांत सांगलें.
शाळेंतल्या भुरग्यां खातिर मनोवपी गीत गायन आनी हेर स्पर्धेत मलयाळम भाशे बरोबर कोंकणी भास बी आसपाव करपाक जाय अशीं केरळ सरकारा कडेन मागून शिक्षक सुधीश शेणै हांणें थाराव मांडलो. कवी आर.रामानंद प्रभु आनी गीतकार सदीप एन.वेंकटेश हांच्यो ह्या वेळार आदर जालें.
पी.एस.रामानंदराव,केरळ कोंकणी अकादमीचे अध्यक्ष पी.एन.कृष्णन,देवस्थान समितीचे सचीव के.अमृतराज, प्रो.के.एन.आर.भट, आशा शिवकुमार हांणीं उलेयलें.
