तिरुवनंतपुरम:
श्री नारायण गुरु विरचित दैवदशकम प्रार्थना काव्य सुंदर आनी सरळ आसा आनी कोंकणी भाशांतर अदीसुंदर जाला. हें काव्य गोंयचे भुरग्यां खातीर पाठपुस्तकांत आसपावंक जाय. दैवदशकम काव्याचे आलापन आयकून केरळम राज्यपाल राजेंद्र विश्वनाथ आर्लेकार हांणी मत उक्तायलें.
कोंकणी राष्ट्र मान्यताय दिसा लोक भवनांत घडयलें कार्यावळींत शिवगिरी श्रीनारायणा धर्मसंघ ट्रस्टाचे अध्यक्ष स्वामी सच्चिदानंद आनी काव्याचे कोंकणी परिभाशक कवी आर.एस.भास्कर मेळनु दैवदशकम कोंकणी ग्रंथ राज्यपाल राजेंद्र विश्वनाथ आर्लेकार हांका भेटेयलें.
स्वामी सच्चिदानंद हांणी मूळ मल्याळम भाशेंत काव्याचे आलापन केल्ले जें सगळ्यांनी परतून म्हणलें. आर.एस.भास्कर हांणी जें काव्य कोंकणींत आलापन केल्ले.
ह्या वेळा गुरुघर्म प्रचारण युवजन सभा केरळ अध्यक्ष राजेष सहदेवन, दैवदशकम शंबर लोक भाशेंत पद्दतीचे अध्यक्ष गीरीष उण्णीकृष्णन, गुरुघर्म प्रचारणसभा चालकुडी अध्यक्ष ए.ए.हरिदास, गुरुघर्म प्रचारणसभा तृश्शूर अध्यक्ष टी.के.संतोष, सेंटर फोर सोषियो कळ्चरल ऑड एणवयरोणमेन्डल रीसर्च डयरक्टर डाॅ.राजीव भास्कर, राधामणी भास्कर
आदी हाजीर आशिल्ली.
आर.एस.भास्कर हांणे आदीं श्रीनारायण गुरुचें मोणोग्राफ ‘ब्रह्मर्षी श्रीनारायणगुरु’ हें केंद्रीय साहित्य अकादमीचे खातीर कोंकणींत भशांतरीत केल्ले आसा. ब्रह्मर्षी श्रीनारायणगुरु हो मूळ मल्याळम भाशेंत आसून अकादमीचें वतीन इंग्लीश भरसून पुराय भारतीय भाशेंत आजून भाशांतर जाला.
