कोंकणी भाषा प्रचार सभेन चलयल्लो एक वर्साचो कोंकणी शिक्षक प्रशिक्षण अभ्यासक्रमांत जयलक्ष्मी वी पै आनी अमृता यु पै हांणी अभ्यासक्रम येसस्वीपणान पुराय केलो. राणी आर किणी (प्राचार्य), सुधीश शेणाय, डॉ.अनीता किणी, उषा मनोहर शेणाय, सरस्वती एस प्रभु, मंजुला हे प्रशिक्षक आशिल्ले. कोंकणी, बाल विकास, शिकोवपाची कुशळटाय, बाल मानसशास्त्र, राष्ट्रीय शिक्षण धोरण आदी हे अभ्यासक्रमाचे विशय आशिल्ले.
उत्तीर्ण जल्लेले विद्यार्थींक २५.०४.२०२६ दिसा शेनवारा कोच्चींतल्या चेरलाई वाठारांत आशिल्ले कोंकणी भाषा भवनांत दवरून कोंकणी भाषा प्रचार सभेचो अध्यक्ष मनोहर किणी ह्यांचे अध्यक्षतेखाला घडयल्या दीक्षांत सुवाळ्यांत डॉ. सुस्मिता पी मल्ल्या (प्राध्यापक, कायदो संकाय, दिल्ली विद्यापीठ) हींचे हस्तुकी प्रमाणपत्रां वांटलीं. पी.सुरेश पै (संयुक्त सचिव, कोंकणी भाषा प्रचार सभा), अविनाश पी. कामत (अध्यक्ष, कोच्ची तिरुमल देवस्थान), सुरेश वी शेणाय (कोंकणी साहित्यकार), संध्या वी प्रभु (सचिव, कोंकणी केन्द्र – गोश्रीपुर), सदानन्दन मास्टर (कोंकणी साहित्यकार), मनोहर आर. शेणाय (कोषाध्यक्ष, कोंकणी भाषा प्रचार सभा) हानीं उल्लेयलें.
दीक्षांत सुवाळ्या उपरांत म्हयन्याळ्या “कोंकणी खुशाली” नांवान कुटुंबीक मेळाव्याचो सुरुवात लेगीत घडयलो.
